లేటెస్ట్‌గా విడుదలైన 'మన్మధుడు 2' టీజర్‌ ఇప్పుడు చర్చనీయాంశమైంది. రొమాన్స్‌ కా బాప్‌ అన్నట్లుగా ఈ సినిమాలో మన్మధుడుగా నాగార్జున అమ్మాయిలతో రొమాన్స్‌ చేసేస్తున్నాడు. ఆ క్రమంలో ఘాటు లిప్‌లాక్స్‌ కూడా ఉన్నట్లు టీజర్‌లో చూపించారు. హీరోయిన్లు అందాల్ని చూపించీ చూపించనట్లుగా ఉన్నాయి ఈ లిప్‌లాక్‌ సీన్లు. అయితే, టీజర్‌ కోసం ఇవి టెక్నికల్‌గా కట్‌ చేసినవేనట. కానీ, సినిమాలో లిప్‌లాక్స్‌ లేవని తెలుస్తోంది. మన్మధుడికి రొమాన్స్‌ ఇష్టమే కానీ, ముద్దంటే చేదట. అదేంటీ.? రొమాన్స్‌లో ముద్దుది కీలక పాత్ర కదా. అంటే అదే మరి మన మన్మధుడి స్పెషల్‌. రొమాన్స్‌ అయితే ఓకే కానీ, ముద్దుకు నాట్‌ ఓకేనట. ఇదేదో విచిత్రంగా ఉంది కదూ.
అసలు ఆడాళ్లంటేనే విసుక్కునే మొదటి మన్మధున్ని కాస్తా రొమాంటిక్‌ చేసేశారు రెండో మన్మధుడిగా. అలాంటిది ముద్దంటే చేదంటూ ముఖం ముడుచుకుంటాడట.. అనే ట్విస్ట్‌ రివీల్‌ చేశారేంటీ ఇప్పుడు.. అనే డౌట్‌ రావచ్చు ఆడియన్స్‌కి. అయితే, మన్మధుడికి ముద్దంటే ఎందుకు చేదో అందుకు ఓ బలమైన కారణాన్ని సినిమాలో చూపించారట. అదేంటో ప్రస్తుతానికి సస్పెన్సే. ఫుల్‌ లెంగ్త్‌ ఎంటర్‌టైనర్‌గా 'మన్మధుడు 2' తెరకెక్కుతోంది. రకుల్‌ ప్రీత్‌సింగ్‌, కీర్తిసురేష్‌లు హీరోయిన్లుగా నటిస్తున్నారు. రాహుల్‌ రవీంద్రన్‌ దర్శకత్వంలో తెరకెక్కుతోన్న ఈ సినిమాలో వెన్నెల కిషోర్‌, సీనియర్‌ నటి లక్ష్మి, దేవదర్శిని, రావు రమేష్‌ తదితరులు కీలక పాత్రలు పోషించగా, అక్కినేని కోడలు సమంత గెస్ట్‌ అప్పియరెన్స్‌ ఇచ్చింది.
