వెంక‌టేష్ క‌థానాయ‌కుడిగా న‌టించిన చిత్రం దృశ్యం 2. ఈ సినిమా ఈనెల 25న నేరుగా ఓటీటీ (అమేజాన్ ప్రైమ్‌)లో విడుద‌ల కానున్న సంగ‌తి తెలిసిందే. ఇప్ప‌టికే సినిమా ప్ర‌మోష‌న్లు కూడా మొద‌లెట్టేశారు. అయితే.. ఇప్పుడు ఈ సినిమా విడుద‌ల కాస్త క‌న్‌ఫ్యూజ‌న్‌లో ప‌డింది. దృశ్యం 2 అనుకున్న స‌మ‌యానికి వ‌స్తుందా, రాదా? లేదంటే కోర్టు వివాదాల్లో చిక్కుకుంటుందా? అనే అనుమానాలు త‌లెత్తుతున్నాయి. దానికి కార‌ణం.. సురేష్ బాబు అవ‌లంభిస్తున్న వైఖ‌రే.

ఈ సినిమాని ఓటీటీలో విడుద‌ల చేయాల‌నుకున్న‌ప్పుడు డిస్నీ హాట్ స్టార్ నుంచి బేరం కుదిరింది. అగ్రిమెంట్లు కూడా అయిపోయాయి. అయితే.. ఆ త‌ర‌వాత అంత‌కంటే మంచి ఆఫ‌ర్ ఆమేజాన్ నుంచి వ‌చ్చింది. దాంతో... సురేష్ బాబు అమేజాన్ వైపు మ‌ళ్లారు. అమేజాన్ తో ఒప్పందాలు కుదుర్చుకున్నారు. అయితే ఈ విష‌యం డిస్నీ హాట్ స్టార్ కి చెప్ప‌లేదు. వాళ్ల‌తో ముందుగా చేయించుకున్న ఎగ్రిమెంట్లు అలానే ఉండ‌గా, ఇప్పుడు అమేజాన్ కి ఈ సినిమా అమ్మేయ‌డం ప‌ట్ల అభ్యంత‌రాలు వ్య‌క్తం అవుతున్నాయి. `మాతో చెప్ప‌కుండా.. ఈ సినిమాని అమేజాన్ కిఎలా అమ్ముతారు` అనేది హాట్ స్టార్ వేస్తున్న సూటి ప్ర‌శ్న‌. దానికి.. సురేష్ బాబు ద‌గ్గ‌ర స‌మాధానం లేదు. ఈ విష‌య‌మై... సురేష్ బాబుపై చ‌ర్య తీసుకునేలా.. హాట్ స్టార్ పావులు క‌దుపుతోంది. ఈ సినిమా విడుద‌ల‌పై స్టే తెచ్చుకునే అవ‌కాశాలున్నాయ‌న్న టాక్ వినిపిస్తోంది. కోర్టు బ‌య‌టే సురేష్ బాబు ఈ వ్య‌వ‌హారాన్ని సెటిల్ చేసుకోవాల్సివుంది. మ‌రి.. ఆయ‌న ఏం చేస్తారో?