'డీజె' సినిమా అనుకున్నప్పట్నుంచీ అంచనాలు మొదలయ్యాయి. ఎందుకంటే సంచలన డైరెక్టర్‌ హరీష్‌ శంకర్‌, ఎనర్జిటిక్‌ అండ్‌ తిరుగులేని సక్సెస్‌ఫుల్‌ హీరో అల్లు అర్జున్‌ కాంబినేషన్‌ ఇది. అందుకే సంచలనాలకు వేదికైంది. టీజర్‌ సృష్టించిన సంచలనాలు అన్నీ ఇన్నీ కావు. ఫస్ట్‌ లుక్‌ ఫొటో కూడా అంతే. ఇప్పటిదాకా పలు లుక్స్‌ని విడుదల చేసింది 'దువ్వాడ జగన్నాథమ్‌' టీమ్‌. తాజాగా ఈ సినిమాకి సంబంచిన ఇంకో స్టిల్‌ బయటకు వచ్చింది. ఈ స్టిల్‌ అయితే అల్టిమేట్‌గా ఉందనే రెస్పాన్స్‌ అభిమానుల నుంచి రాబట్టుకుంటోంది. టీజర్‌లోనే అందాల భామ పూజా హెగ్దే చాలా హాట్‌గా కన్పించింది. ఇద్దరి మధ్యా కెమిస్ట్రీ బీభత్సంగా ఉందని ఈ తాజా స్టిల్‌ నిరూపిస్తోంది. అల్లు అర్జున్‌ సినిమాల్లోనే బెస్ట్‌ ఎవర్‌ రొమాంటిక్‌ లుక్‌ అని అభివర్ణిస్తున్నారు అభిమానులు. హరీష్‌ శంకర్‌ సినిమాల్లో హీరోయిన్స్‌ కొంచెం హాట్‌గా కనిపిస్తారు. ఈ సినిమాలో పూజా హెగ్దేని మరీ హాట్‌గా చూపించినట్లు తెలుస్తోంది. జూన్‌ 23న సినిమా రిలీజ్‌ డేట్‌ ఫిక్స్‌ చేశారు. దేవిశ్రీ ప్రసాద్‌ మ్యూజిక్‌కి అల్లు అర్జున్‌ డాన్సులు అదరిపోనున్నాయట. అలాగే మైండ్‌ బ్లోయింగ్‌ యాక్షన్స్‌ సీక్వెన్స్‌ ఈ సినిమాలో ప్రత్యేకంగా తెరకెక్కించాడట హరీష్‌ శంకర్‌. సోషల్‌ మీడియాలో సినిమా విడుదలకు ముందే సెన్సేషన్స్‌ సృష్టిస్తోంది. అసలే బన్నీకి సక్సెస్‌ విషయంలో తిరుగే లేదు. వరుస విజయాలతో దూకుడు మీదున్నాడు. అందుకూ ఈ సినిమాపై భారీగా అంచనాలున్నాయి. తెలుగుతోపాటు, మలయాళంలోనూ ఈ సినిమాపై భారీ అంచనాలున్నాయి.