బన్నీ హీరోగా తెరకెక్కుతోన్న సినిమా 'దువ్వాడ జగన్నాధమ్‌'. హరీష్‌ శంకర్‌ దర్శకత్వంలో తెరకెక్కుతోన్న ఈ చిత్రం టీజర్‌ ఇటీవలే విడుదలైంది. టీజర్‌ చాలా మామూలుగా ఉందని మొదట్లో టాక్‌ వచ్చినా కానీ, సంచలనాల విషయంలో దుమ్ము లేపేస్తోంది. ఇప్పటికే ఈ టీజర్‌కి 40 లక్షల వ్యూస్‌ వచ్చాయి. ఈ టీజర్‌లో బన్నీ సాఫ్ట్‌గానే కనిపించాడు. అయితే ఈ సినిమాలో ఇంత సాఫ్ట్‌ లుక్కే కాకుండా ఇంకా పవర్‌ ఫుల్‌ లుక్‌ కూడా ఉందట. ఆ షేడ్‌ని టీజర్‌లో ఎక్కడా చూపించలేదు. ఒకవేళ చూపించి ఉంటే ఈ టీజర్‌ ఇంకా సంచలనాలు నమోదు చేసేసి ఉండేది. అయినా బన్నీకి తెలుగులోనే కాకుండా, మలయాళంలో కూడా చాలా ఫాలోయింగ్‌ ఉంది. తెలుగులోలాగానే బన్నీకి అక్కడా చాలా మంది ఫ్యాన్స్‌ ఉన్నారు. అక్కడ ఓ స్టార్‌ హీరో బన్నీ అంటే అతిశయోక్తి కాదు. అందుకే ఈ తాజా టీజర్‌కి సెన్సేషనల్‌ స్థాయిలో వ్యూస్‌ దక్కుతున్నాయి. మరో పక్క త్వరలోనే ఈ సినిమాలో బన్నీ సెకండ్‌ షేడ్‌కి సంబంధించిన మరో టీజర్‌ని కూడా విడుదల చేయాలని చిత్ర యూనిట్‌ భావిస్తున్నట్లు సమాచారమ్‌. ఇక ఆ టీజర్‌ వచ్చిందంటే ఇక ఏ రేంజ్‌లో అంచనాలుంటాయో చెప్పలేం. ఈ సినిమాలో 'ముకుందా' భామ పూజా హెగ్దే హీరోయిన్‌గా నటిస్తోంది. టీజర్‌లో ఈ ముద్దుగుమ్మ చాలా చాలా హాట్‌ అండ్‌ క్యూట్‌గా కనిపించింది. సినిమాలో కూడా అమ్మడు ఓ రేంజ్‌లో గ్లామర్‌ ఒలకపోసిందని టాక్‌ బాగా వినిపిస్తోంది.