అల్లు అర్జున్ క‌థానాయ‌కుడిగా న‌టిస్తున్న చిత్రం డీజే (దువ్వాడ జ‌గ‌న్నాథ‌మ్‌). ఇటీవ‌ల ఫ‌స్ట్ లుక్ పోస్ట‌ర్‌తో.. ఈ సినిమాపై అంచ‌నాలు మ‌రింత పెరిగాయి.  ఇప్పుడు టీజ‌ర్ కూడా రాబోతోంది. మ‌హాశివ‌రాత్రి సంద‌ర్భంగా రేపు (శుక్ర‌వారం) డీజే టీజ‌ర్‌ని రిలీజ్ చేయ‌డానికి చిత్ర‌బృందం రెడీ అయిపోయింది. టీజ‌ర్ త‌ర‌వాత అంచ‌నాలు ఏమాత్రం పెరుగుతాయో తెలీదుగానీ... ప్ర‌స్తుతానికి మాత్రం డీజే శాటిలైట్ రైట్స్ హాట్ కేకులా అమ్ముడుపోయింది. జీ తెలుగు డీజే శాటిలైట్ రైట్స్‌ని రికార్డు ధ‌ర‌కి కొనుగోలు చేసిన‌ట్టు స‌మాచారం. దాదాపు రూ.11 కోట్ల‌కు బ‌న్నీ సినిమా సేల్ అయిపోయిన‌ట్టు తెలుస్తోంది. బ‌న్నీ కెరీర్‌లో ఇదే రికార్డు ధ‌ర అని మార్కెట్ వ‌ర్గాలు చెబుతున్నాయి. దాదాపు 50 శాతం షూటింగ్ పూర్తి చేసుకొన్న ఈ చిత్రం.. ఈ వేస‌విలో బాక్సాఫీసు బ‌రిలో దిగ‌బోతోంది.