సూపర్ స్టార్ మహేష్ బాబు భరత్ అనే నేను చిత్రం ఎంతటి ఘనవిజయం సాధించిందో ప్రత్యేకంగా చెప్పనక్కర్లేదు. ఆయన కెరీర్ లోనే ఈచిత్రం అత్యధిక వసూళ్ళు సాధించిన చిత్రంగా మిగిలిపోనుంది.
అయితే ఈ చిత్రంలో కొన్ని మంచి సన్నివేశాలు ఫైనల్ కట్ లో పెట్టలేకపోయాము అని హీరో-దర్శకుడు చెబుతుండడం చూస్తున్నాము. అలాంటి ఒక సన్నివేశం గురించే ఈ వార్త- ఎడిట్ చేసేసిన మంచి సన్నివేశాల్లో ఈవ్ టీజింగ్ గురించిన సన్నివేశం ఒకటి ఉందని అది చాలా చక్కటి సన్నివేశం అని మహేష్ చెప్పుకొచ్చాడు.
కొంతమంది అమ్మాయిలని ఏడిపించే ఒక ఈవ్ టీజర్ ని పట్టుకొని మహేష్ దగ్గరికి తీసుకొచ్చాక హీరో అతగాడికి ఏ పద్దతిలో నచ్చజెప్పారు అనేది ఆ సన్నివేశంలో ఉంటుందట.అయితే ఈ సన్నివేశం కూడా చిత్ర నిడివికి ఇబ్బందిగా ఉండటంతో దానిని తోలిగించినట్టు తెలిపారు.
ఇప్పటికే హోలీ ఫైట్ సన్నివేశం కూడా తీసేసినట్టు దర్శకుడు ఒప్పుకున్నాడు.
