హైదరాబాద్ లో నిన్న రాత్రి జరిగిన రోడ్డు ప్రమాదంలో ప్రముఖ సినీ నటుడికి గాయాలయ్యాయి.
వివరాల్లోకి వెళితే, హైదరాబాద్ నవాబ్స్ మూవీ ఫేం ఆర్కే ప్రయాణిస్తున్న కారు యాక్సిడెంట్ కి గురైంది. నిన్న రాత్రి ఆయన జూబిలీహిల్స్ రోడ్డు నెం 31 నుండి రోడ్డు నెం 36 వైపు వెళుతుండగా వేరే మార్గం నుండి వస్తున్న కారు ఆర్కే ప్రయాణిస్తున్న కారుని డీకొట్టింది.
దీనితో ఆర్కే కారు బోల్తాపడింది. వెంటనే అక్కడ ఉన్న స్థానికులు ఆయనని కారు నుండి బయటకి తీసి వెంటనే అపోలో ఆసుపత్రికి తరలించారు. ఆసుపత్రిలో డాక్టర్లు ఆయన ఆరోగ్య పరిస్థితిని పర్యవేక్షించి ప్రాణానికి ప్రమాదమేమి లేదని చెప్పడంతో ఆయన కుటుంబసభ్యులు ఊపిరి పీల్చుకున్నారు.
ఇక ఈ ప్రమాదానికి కారణం అవతలి వైపు నుండి వచ్చి డీకొట్టిన కారుదే తప్పు అని స్థానికులు చెప్పడంతో పోలీసులు ఆ కారు నడుపుతున్న వ్యక్తి పైన కేసు నమోదు చేశారు.
