అఖిల్ తన మొదటిచిత్రం ‘అఖిల్’ అతన్ని అలాగే అక్కినేని అభిమానులని నిరుత్సాహపరిచింది. ఇక ఈ తరుణంలో అఖిల్ తన రెండవ చిత్రం ‘హలో’తో ప్రేక్షకుల మనస్సులో స్థానం పొందగలిగాడు.
విక్రమ్ కుమార్ దర్శకత్వ ప్రతిభ అఖిల్ నటన ఈ చిత్రానికి హైలైట్ గా నిలవడంతో ఈ సినిమా పరంగా ఇండస్ట్రీలో తన మార్కుని వేయగలిగాడు అఖిల్. ఇక ఈ హలో సినిమా కలెక్షన్స్ విషయానికి వస్తే, మొదటి మూడు రోజుల్లో రూ 11 కోట్ల (షేర్) & రూ 19 కోట్ల (గ్రాస్) కలెక్ట్ చేసింది.
దీనితో ఈ సినిమా బాక్స్ ఆఫీస్ వద్ద యావరేజ్ గా నిలవనుంది అని ఈ లెక్కలు బట్టి అర్ధమవుతుంది. అయితే ఇప్పుడు నడుస్తున్నది సెలవుల సీజన్ కావడంతో కలెక్షన్స్ పెరిగే అవకాశం ఉంది అని ట్రేడ్ వర్గాల అంచన.
ఏదేమైనప్పటికీ అఖిల్ హలో చిత్రంతో ప్రేక్షకుల వద్ద మంచి మార్కులే కొట్టేశాడు అని చెప్పొచ్చు.
