ప్రేక్షకుల ముందుకు ఈ రోజు నాలుగు సినిమాలు వచ్చాయి. అయితే ఈ రోజు పోలింగ్‌ డే కావడంతో ప్రేక్షకులంతా ఓటింగ్‌ పండగలో నిమగ్నమై ఉన్నారు. దాంతో సినిమాల్ని పెద్దగా పట్టించుకున్నట్లు లేదు. అన్ని చోట్లా ఓపెనింగ్స్‌ చాలా డల్‌గా వచ్చినట్లు రిపోర్ట్స్‌ అందుతున్నాయి. అయితే మరో రెండు రోజులు సెలవులు కావడంతో ఈ నాలుగు సినిమాలకు కలెక్షన్లు పుంజుకునే అవకాశాలున్నాయి. ఓపెనింగ్స్‌తో సంబంధం లేకుండా మిగిలిన సెలవు రోజుల్ని సద్వినియోగం చేసుకుంటే ఈ సినిమాలకు పంట పండినట్లే.
బెల్లంకొండ శ్రీనివాస్‌, కాజల్‌, మెహ్రీన్‌ నటించిన 'కవచం' సినిమాని బాగా ప్రమోట్‌ చేశారు. నాలుగు సినిమాలతో కంపేర్‌ చేస్తే ఓ మోస్తరు అంచనాలు ఈ సినిమాపై ఉన్నాయి. కానీ ఓపెనింగ్స్‌ పరంగా రిజల్ట్‌ ఇప్పుడప్పుడే చెప్పలేని పరిస్థితి. ఇక మిల్కీబ్యూటీ తమన్నా, సందీప్‌ కిషన్‌ జంటగా తెరకెక్కిన బోల్డ్‌ మూవీ 'నెక్ట్‌ ఏంటీ' కూడా అంతగా ఎట్రాక్ట్‌ చేయలేకపోయిందనే టాక్‌ వినిపిస్తోంది.
అయితే వీకెండ్‌ ముందుండడంతో అప్పుడే నిరాశపడాల్సిన పని లేదు. మరో మూవీ సుమంత్‌, ఈషా రెబ్బ నటించిన 'సుబ్రహ్మణ్యపురం'. కంటెన్ట్‌ పరంగా హారర్‌ థ్రిల్లర్‌ కాన్సెప్ట్‌తో రూపొందిన ఈ మూవీపై కూడా ఓ మోస్తరు అంచనాలున్నాయి. అయితే పోలింగ్‌ డే కావడంతోనే సినిమాల మాట ఎక్కడా వినిపించడం లేదు. ఇక చూడాలి మరి రేపట్నుంచి జనం సినిమాలపై ఆశక్తి చూపుతారేమో.
