విశ్వక్ సేన్ హీరోగా నటించిన ప్రయోగాత్మక చిత్రం 'గామి'. ఈ సినిమా శివరాత్రి సందర్భంగా థియేటర్స్ లో రిలీజ్ అయ్యింది. చాందిని చౌదరి మరొక లీడ్ రోల్ లో నటించింది. విద్యాధర్ డైరక్షన్ లో తెరకెక్కించిన ఈ సినిమా మంచి అంచనాలతో రిలీజ్ అయ్యింది. టీజర్, ట్రైలర్ తో వ్యూయర్స్ లో క్యూరియాసిటీ ని పెంచిన ఈ మూవీ రిలీజ్ అయ్యి ఉభయ తెలుగు రాష్ట్రాలతో పాటు యూఎస్ మార్కెట్ లో బానే వసూళ్లు రాబడుతోంది. మొదటి రోజు ఈ మూవీకి వచ్చిన వసూళ్లను బట్టి చూస్తే విశ్వక్ కెరియర్ లో ఇవే హైయెస్ట్ గ్రాస్ కలక్షన్స్ అని చెప్పొచ్చు .
ఓ సరికొత్త ప్రయోగాత్మక చిత్రంగా, హాలీవుడ్ విజువల్స్ తో గామి అందర్నీ ఆకట్టుకుంటోంది. ఫస్ట్ డే కలెక్షన్స్ ని అధికారికంగా ప్రకటించారు చిత్ర యూనిట్. ఈ మూవీ వరల్డ్ వైడ్ గా భారీ వసూళ్లు సాధించినట్టు సమాచారం. పి ఆర్ నంబర్స్ ప్రకారం గామి మొదటి రోజు 9.07 కోట్ల గ్రాస్ కలక్షన్స్ సాధించి విశ్వక్ కెరీర్ లోనే ఇది మరో మంచి ఓపెనర్ గా నిలిచింది. అమెరికాలో 250K డాలర్స్ పైగా కలెక్ట్ చేసి 1 మిలియన్ డాలర్స్ రేసులో దూసుకుపోతుంది. వీకెండ్ కావడంతో ఈ మూడు రోజుల్లో 30 కోట్ల గ్రాస్ కలెక్షన్స్ వసూలు చేసే అవకాశం ఉందని ట్రేడ్ పండితుల సూచన.
ఈ మూవీ ప్రమోషన్స్ టైంలో తాము పడ్డ కష్టాన్ని చెప్పుకొచ్చింది మూవీ టీమ్. ఇప్పుడు ఈ వసూళ్లతో ఆ కష్ఠానికి ప్రతిఫలం దక్కింది. నిజంగా వారు పడ్డ కష్టం ప్రతి ప్రేమ్ లోను కనిపిస్తోందని కొందరు ఆడియన్స్ కూడా కామెంట్స్ చేస్తున్నారు. విశ్వక్ సేన్ అఘోర పాత్రలో కనిపించి, తన నటనతో ప్రేక్షకుల్ని మెప్పించాడు. ఈ సినిమాకి నరేష్ కుమారన్ సంగీతం అందించారు. కార్తీక్ శబరీష్ క్రౌడ్ ఫండింగ్ తో నిర్మించగా, యూవీ క్రియేషన్స్ 'గామి' సినిమాని రిలీజ్ చేసింది.
