చాలా కాలంగా సినిమాల్లో నటించడం లేదు ముద్దుగుమ్మ జెనీలియా. బబ్లీ ఫీచర్స్‌తో అందర్నీ ఆకట్టుకునే అందం ఆమె సొంతం. తెలుగులో పలు సక్సెస్‌ఫుల్‌ మూవీస్‌లో నటించింది. బాలీవుడ్‌లోనూ హీరోయిన్‌గా పాపులర్‌ అయ్యింది. బాలీవుడ్‌ నటుడు రితీష్‌ దేశ్‌ముఖ్‌ని వివాహమాడాక తెలుగు సినిమాలకు దూరమయ్యింది ఈ ముద్దుగుమ్మ. సినిమాల్లో నటించకపోయినా, కానీ అమ్మడు తెలుగు ప్రేక్షకులకి దగ్గరగానే ఉంటోంది. ఈ మధ్య సోషల్‌ మీడియాలో తెలుగు సినీ ప్రముఖులతో టచ్‌లోనే ఉంటోంది. పలువురు తెలుగు సినీ ప్రముఖుల బర్త్‌డేస్‌కి తన అమూల్యమైన విషెస్‌ అందిస్తూ తన స్పెషాలిటీని చాటుకుంటోంది జెనీలియా. ఈ మధ్య ఈ కాంటాక్ట్‌ మరింత ఎక్కువయ్యింది. అంటే ఈ స్పర్శ ది టచ్‌ చూస్తుంటే..జెనీలియాకి మళ్లీ తెలుగు సినీ పరిశ్రమపై ఇంట్రెస్ట్‌ కలిగినట్లుందని అంటున్నారు. ఆమె ఒకవేళ మళ్లీ తెలుగులోకి రీ ఎంట్రీ ఇవ్వాలనుకుంటోందని భావిస్తున్నారు. అయితే తన భర్త రితీష్‌ దేశ్‌ ముఖ్‌ ఓ భారీ బడ్జెట్ చిత్రాన్ని నిర్మించే పనిలో బిజీగా ఉన్నారు. 200 కోట్ల భారీ బడ్జెట్‌తో ఈ సినిమాని తెరకెక్కించబోతున్నారు. 'ఛత్రపతి' టైటిల్‌తో ఈ సినిమా తెరకెక్కుతోంది. అత్యంత ప్రతిష్ఠాత్మకంగా ఈ చిత్రం రూపొందుతోంది. రితీష్‌ హీరోగా బిజీగా ఉన్న కారణంగా, ఈ సినిమా నిర్మాణ బాధ్యతలు జెనీలియా స్వీకరించే పనిలో ఉందట. అలాగే ఈ సినిమాని తెలుగులో కూడా విడుదల చేసే ఆలోచనలో జెనీలియా ఉన్నట్లు తెలుస్తోంది. సో ఈ విషయమై జెనీలియా తెలుగు పరిశ్రమతో టచ్‌లో ఉంటున్నట్లుంది కాబోలు.
