బాహుబలి, ఆర్ఆర్ఆర్ రికార్డ్ బ్రేక్

మరిన్ని వార్తలు

ప్రశాంత్ వర్మ, తేజా కాంబోలో వచ్చిన హనుమాన్ అందర్నీ ఆకట్టుకొంటోంది. విజువల్ వండర్  గా వచ్చిన ఈ సూపర్ హీరో మూవీకి పిల్లలు, పెద్దవాళ్ళు అంతా కనక్ట్ అవుతున్నారు.  సంక్రాంతి కానుకగా జనవరి 12 న రిలీజైన ఈ సినిమా బాక్సాఫీస్ వద్ద కలెక్షన్ల వర్షం కురిపిస్తోంది. చిన్న సినిమాగా విడుదలై బాక్సాఫీస్ వద్ద ఘన విజయం సాధించటంతో పాటు, అన్ని భాషల్లోనూ  ప్రేక్షకులను మెప్పిస్తూ దూసుకుపోతోంది.


ఇప్పటికే ఈ సినిమా దాదాపు 100 కోట్లకు పైగా కలెక్షన్స్ సాధించడంతోపాటు, పలువురి ప్రశంసలు అందుకొంటోంది.  పలువురు సెలబ్రిటీస్ సైతం ఈ సినిమా చూసి తమ అభి  ప్రాయాన్ని తెలియజేస్తున్నారు. నటీ, నటుల యాక్టింగ్ కు, దర్శకుని ప్రతిభకు చేతులెత్తి నమస్కరిస్తున్నారు. ఆది పురుష్ సినిమా తీసిన ఓం రౌత్ హానుమాన్ ని చూసి నేర్చుకోవాలని, విమర్శిస్తున్నారు. తెలుగుతో పాటు మిగతా భాషల్లోనూ ఈ చిత్రం మెప్పిస్తోంది. బాలీవుడ్ లో, ఓవర్సీస్ లలో ఇప్పటివరకు టాప్ లో ఉన్న బాహుబలి, ఆర్ఆర్ఆర్ లను హనుమాన్ క్రాస్  చేసింది. రిలీజైన నాలుగు రోజుల్లో 100 కోట్లకు పైగా కలెక్షన్లు రాబట్టి ట్రేడ్ పండితులను సైతం ఆశ్చర్యపరుస్తోంది.


కన్నడ స్టార్ హీరోలు శివ రాజ్ కూమార్, రిషబ్ షెట్టి, ధనుంజయ, కోలీవుడ్ నుంచి రాధిక, శరత్ కుమార్, బాలీవుడ్ నుంచి మాధవన్, వివేక్ అగ్నిహోత్రి, మ‌ళ‌యాళ ప‌రిశ్ర‌మ నుంచి ఉన్ని ముకుంద‌న్, టాలీవుడ్ నుంచి రవితేజ, రామ్ పోతినేని, మంచు విష్ణు, నారా రోహిత్, గోపీచంద్, ఆర్జీవీ, సాయిధరమ్ తేజ్, నాని, వరుణ్ తేజ్, రాఘ వేంద్రరావు, వంటి హీరోలు, దర్శకులు చిత్ర యూనిట్, దర్శకులకు ప్రత్యేక శుభాకాంక్షలు తెలపడమే కాక మెచ్చుకుంటున్నారు. బాలకృష్ణ ప్రత్యేకంగా షో వేయించుకుని సినిమా చూసి ప్రశాంత్ వర్మను పొగడ్తలతో ముంచెత్తారు.


JOIN THE iqlik movies CONVERSATION

To fine out more about Facebook commenting please read the Conversation Guidelines and FAQS