'అల్లుడు శీను' అంటూ వచ్చాడు. చాలా దగ్గరయిపోయాడు తెలుగు ప్రేక్షకులకి. బెల్లంకొండ తనయుడు బెల్లంకొండ శ్రీనివాస్‌. ఆరడుగుల కటౌట్‌. డాన్సులు, ఫైట్లు ఇరగదీస్తాడు. తొలి సినిమాకే నెంబర్‌ వన్‌ హీరోయిన్‌ అయిన సమంతతో ఆన్‌ స్క్రీన్‌ రొమాన్స్‌ చేశాడు ఈ యంగ్‌ హీరో. తరువాతి సినిమా 'స్పీడున్నోడు'తో మరింత జోరు పెంచాడు. కానీ ఆ సినిమా బాక్సీఫీస్‌ వద్ద అనుకున్న ఫలితాన్ని అందివ్వలేకపోయింది. దాంతో ఇప్పుడు అంతకుమించిన జోష్‌తో వస్తున్నాడు. బోయపాటి శీను డైరెక్షన్‌లో బెల్లంకొండ కొత్త సినిమా తెరకెక్కుతోంది. ఈ సినిమాలో రకుల్‌ ప్రీత్‌ సింగ్‌ని హీరోయిన్‌గా ఎంచుకున్నారు. బోయపాటి శీను ఇటీవలే 'సరైనోడు' సినిమాతో బ్లాక్‌ బస్టర్‌ హిట్‌ కొట్టాడు. అదే జోరుని ఈ సినిమాతో కొనసాగించాలనుకుంటున్నాడు. బెల్లంకొండ శ్రీనివాస్‌ను చాలా కొత్తగా స్టైలిష్‌గా చూపించబోతున్నాడు ఈ సినిమాలో. ఈ రోజు బెల్లంకొండ శ్రీనివాస్‌ పుట్టినరోజు సందర్భంగా ఈ సినిమా ఫస్ట్‌లుక్‌ని విడుదల చేశారు. క్లాస్‌ లుక్‌లో కనిపిస్తూ, మాస్‌ని ఎట్రాక్ట్‌ చేసేలా ఉంది ఈ లుక్‌. ఈ సినిమాలో డాన్సులు, ఫైట్లూ చాలా కొత్తగా ఉండబోతున్నాయట. టోటల్‌గా బెల్లంకొండ ఈ సినిమాతో సక్సెస్‌ ట్రాక్‌ ఎక్కేస్తానంటున్నాడు. ఎందుకంటే ఈ సినిమాకి అన్నీ ప్లస్‌ పాయింట్సే. సక్సెస్‌ మెజార్టీ ఎక్కువగా ఉంది. ఒక పక్క సక్సెస్‌ఫుల్‌ డైరెక్టర్‌ బోయపాటి, మరో పక్క హ్యాట్రిక్‌ కొట్టడానికి రెడీగా ఉన్న బ్యూటీ రకుల్‌ ప్రీత్‌ సింగ్‌ అన్నీ వెరసి ఈ సినిమా స్టోరీ కూడా యాక్షన్‌ అండ్‌ రొమాంటిక్‌ ఎంటర్‌టైనర్‌. సో ఇన్ని శుభశకునాలతో తెరకెక్కుతోన్న ఈ సినిమాతో బెల్లంకొండకు అంతా శుభమే జరగాలని ఆశిస్తూ పుట్టినరోజు శుభాకాంక్షలు చెప్పేద్దాం.