హోలీ సందర్భంగా యంగ్‌ టైగర్‌ ఎన్టీఆర్‌ తన ఫ్యామిలీ ఫోటోని షేర్‌ చేస్తూ, ఫ్యాన్స్‌కి హోలీ శుభాకాంక్షలు తెలిపాడు. ఈ ఫోటోని ఫ్యాన్స్‌ అంతర్జాలంలో తెగ వైరల్‌ చేసేశారు. ఇదిలా ఉంటే, ఈ ఫోటోలో ఎన్టీఆర్‌ చిన్న కొడుకు భార్గవ్‌ రామ్‌ విశేషంగా ఎట్రాక్ట్‌ చేస్తున్నాడు. అచ్చు ఎన్టీఆర్‌ పోలికల్లో ఉన్న భార్గవ్‌ రామ్‌ ముద్దుగా బొద్దుగా చిరునవ్వు చిందిస్తూ కనిపిస్తున్నాడు. ఈ క్యూట్‌ టైగర్‌ని చూసి డేరింగ్‌ డైరెక్టర్‌ హరీష్‌ శంకర్‌ ఓ స్వీట్‌ కామెంట్‌ చేశాడు. చిన్నోడు కెమెరాకిచ్చిన పోజు చూస్తుంటే, వదిలితే ఇప్పుడే దూకేసేలా ఉన్నాడు.. లిటిల్‌ టైగర్‌ వస్తున్నాడు.. అంటూ కామెంట్‌ చేశాడు. ఇప్పుడీ కామెంట్‌ తాజాగా వైరల్‌ అయ్యింది.
The way younger one is looking at camera says something …… odilithe ippude dookeselaa unnadu…………… 👌👌👌 https://t.co/k6TDsPbd5X
— Harish Shankar .S (@harish2you) March 10, 2020
హరీష్‌ శంకర్‌ చెప్పాడని కాదు కానీ, నిజంగానే లిటిల్‌ టైగర్‌ తెగ ఎట్రాక్ట్‌ చేస్తున్నాడులే. అవును వదిలితే, రంగంలోకి దూకేసేలానే ఉన్నాడు. తండ్రిలాగే చైల్డ్‌ ఆర్టిస్ట్‌గా సత్తా చాటుతాడేమో. ఇకపోతే, ఎన్టీఆర్‌ ప్రస్తుతం ‘ఆర్‌ఆర్‌ఆర్‌’ సినిమాతో బిజీగా ఉన్నాడు. ఈ సినిమా తర్వాత త్రివిక్రమ్‌తో సినిమా చేయనున్నాడనే ప్రచారం ఉంది. అందుకోసం ఆల్రెడీ స్క్రిప్టు సిద్ధం చేసే పనిలో త్రివిక్రమ్‌ ఉన్నట్లు ఫిలిం వర్గాల సమాచారం. ‘ఆర్‌ఆర్‌ఆర్‌’ పూర్తి కాగానే, ఎన్టీఆర్‌ ` త్రివిక్రమ్‌ కాంబో మూవీ పట్టాలెక్కనుందట. మరోవైపు హరీష్‌ విషయానికి వస్తే, ‘గద్దకొండ గణేష్‌’తో సూపర్‌ హిట్‌ కొట్టేశాడు. ప్రస్తుతం పవర్‌ స్టార్‌ పవన్ కళ్యాణ్‌తో సినిమాకి రెడీ అవుతున్నాడు.
