ప‌వ‌న్ క‌ల్యాణ్ - హ‌రీష్ కాంబినేష‌న్ లో ఓ సినిమా రాబోతున్న సంగ‌తి తెలిసిందే. మైత్రీ మూవీస్ నిర్మిస్తోంది. ఈరోజు ప‌వ‌న్ క‌ల్యాణ్ పుట్టిన రోజు సంద‌ర్భంగా ఈ చిత్రానికి సంబంధించిన అధికారిక ప్ర‌క‌ట‌న వ‌చ్చేసింది. ప‌వ‌న్ అభిమానుల కోసం ఎనౌన్స్‌మెంట్ పోస్ట‌ర్ వ‌దిలింది చిత్ర‌బృందం. స్టైలీష్ బైక్‌, సీటుపై పెద్ద బాల‌శిక్ష పుస్తకం, ఓ గులాబీ పువ్వుతో ఆస‌క్తి పెంచేశాడు హ‌రీష్‌. స‌ర్దార్ వ‌ల్ల‌భాయ్ ప‌టేల్‌, సుభాష్ చంద్ర‌బోస్ ఫొటోలూ బ్యాక్ గ్రౌండ్ లో క‌నిపిస్తున్నాయి.

`ఈసారి కేవ‌లం ఎంట‌ర్‌టైన్‌మెంటే కాదు..` అంటూ.. హ‌రీష్ హింట్ ఇచ్చేశాడు. వీరిద్ద‌రి కాంబోలో వ‌చ్చిన గ‌బ్బ‌ర్ సింగ్ వినోదాన్ని పంచి పెట్టింది. దానికి ప‌వ‌నిజాన్ని జోడించిన‌ట్టు ఈ పోస్ట‌ర్ చూస్తుంటే స్ప‌ష్టంగా క‌నిపిస్తోంది. అన్న‌ట్టు.. ఈ చిత్రానికి దేవిశ్రీ ప్ర‌సాద్ సంగీతం అందించ‌నున్నాడు. గ‌బ్బ‌ర్ సింగ్ త‌ర‌వాత‌.. ఈ కాంబో సెట్ అవ్వ‌డం ఇదే తొలిసారి.