'హేట్‌ స్టోరీ' సిరీస్‌లో సినిమాలు వస్తూనే ఉన్నాయి. ఎన్ని సినిమాలు వచ్చినా సంచలనాలే ఈ సీక్వెన్స్‌లో. ఇప్పటికి హేట్‌ స్టోరీ 1, 2, 3, సినిమాలు రొమాంటిక్‌ ప్రియుల్ని అలరించాయి. తాజాగా మరో హేట్‌ స్టోరీ రానుంది. అదే 'హేట్‌ స్టోరీ - 4'. ఊర్వశీ రౌతెలా ఇందులో ప్రధాన పాత్రలో నటిస్తోంది. తాజాగా ఈ సినిమా ఫస్ట్‌ లుక్‌ విడుదలైంది. ఇదో అడల్ట్‌ కంటెన్ట్‌ మూవీ అన్న సంగతి తెలిసిందే. అడల్ట్‌ కంటెన్ట్‌ మూవీస్‌కి బాలీవుడ్‌లో మంచి ఆదరణ ఉంది. ఆ జోనర్‌లో ఎన్ని సినిమాలు వచ్చినా ప్రేక్షకులు బ్రహ్మరధం పడుతూనే ఉన్నారు. అడల్ట్‌ కంటెన్ట్‌కి థ్రిల్లింగ్‌ అంశాల్ని జోడించి, ఆడియన్స్‌ని డిఫరెంట్‌గా థ్రిల్‌కి గురి చేయడమే ఈ జోనర్‌ సినిమాల మెయిన్‌ మోటో. గతంలో వచ్చిన 'హేట్‌ స్టోరీ - 1'లో పవోలీ డామ్‌ హీరోయిన్‌గా నటించింది. ఈ అమ్మడి అందాల ఆరబోతకు బాలీవుడ్‌ సలాం అనేసింది అప్పట్లో. తర్వాత 'హేట్‌ స్టోరీ - 2'లో సుర్వీన్‌ చావ్లా కూడా అదే తరహాలో అందాల ప్రదర్శన గావించి, కుర్రకారును హీటెక్కించేసింది. ఇక ముచ్చటగా మూడో సిరీస్‌లో జరీన్‌ ఖాన్‌ అందాల దాడిని తట్టుకోవడం కొంచెం కష్టమే అయ్యింది. ఇక ఇప్పుడు ఊర్వశీ రౌతెలా వంతు వచ్చింది. ఈ అమ్మడి ఎక్స్‌పోజింగ్‌ ఎలా ఉండబోతోందో చూడాలంటే కాస్త ఆగాల్సిందే మరి. 2018 మార్చిలో ఈ సినిమా ప్రేక్షకుల ముందుకు రానుంది. రిలీజ్‌ డేట్‌ని అనౌన్స్‌ చేస్తూ చిత్ర యూనిట్‌ ఫస్ట్‌లుక్‌ పోస్టర్‌ విడుదల చేసింది. విశాల్‌ పాండ్యా డైరెక్షన్‌లో ఈ సినిమా తెరకెక్కుతోంది.