'ట్రెండు మారినా ఫ్రెండు మారడే..' అన్నాడు రామ్‌ 'ఉన్నది ఒక్కటి జిందగీ' సినిమా లో. అయితే ఇప్పుడు మాట మార్చేశాడు. 'ఫ్రెండు ఫ్రెండు మార్చు ట్రెండు..' అంటున్నాడు. రామ్‌ నటిస్తున్న తాజా చిత్రం 'హలో గురూ ప్రేమ కోసమే' చిత్రంలోని ఓ సాంగ్‌ కోసం రామ్‌ పలికే మాటలివి. ప్రస్తుతం ఈ సాంగ్‌ చిత్రీకరణ జరుగుతోంది. చంద్రబోస్‌ సాహిత్యం అందించిన ఈ పాటకు దేవిశ్రీ ప్రసాద్‌ మ్యూజిక్‌ ఇచ్చారు. ఈ సినిమాతో ఎనర్జిటిక్‌ హీరో రామ్‌ని దేవిశ్రీ ప్రసాద్‌ సింగర్‌గా మార్చేశాడు.
గతంలో పలువురు హీరోల్ని సింగర్స్‌గా మార్చిన దేవిశ్రీ ప్రసాద్‌ ఈ సారి రామ్‌తో కూడా ఆ సాహసం చేయించాడు. ఈ పాట కోసం రామ్‌ తన గొంతు సవరించుకున్నాడు. ఇదో సరదా సరదా సాంగ్‌. సిట్యువేషనల్‌గా సాగుతుందట. వినడానికే కాదు, చూసేందుకు కూడా చాలా చాలా బాగుంటుందట. ప్రకాష్‌రాజ్‌ ఈ సాంగ్‌లో రామ్‌తో పాటు, గొంతు కలిపారు.
నక్కిన త్రినాధరావు దర్శకత్వంలో తెరకెక్కుతోన్న ఈ చిత్రం దసరా కానుకగా అక్టోబర్‌ 18న ప్రేక్షకుల ముందుకు రానుంది. ముద్దుగుమ్మ అనుపమా పరమేశ్వరన్‌ హీరోయిన్‌గా నటిస్తోంది. రామ్‌ - అనుపమా జంట చూడ చక్కగా ఉంది. ఇటీవల విడుదలైన రొమాంటిక్‌ స్టఫ్‌ టీజర్‌కి పోజిటివ్‌ రెస్పాన్స్‌ వచ్చింది. పక్కా ఫ్యామిలీ ఎంటర్‌టైనర్‌గా తెరకెక్కుతోన్న ఈ చిత్రం రామ్‌కి మంచి విజయాన్ని అందిస్తుందని చిత్ర యూనిట్‌ ఆశిస్తోంది.
