'అఖిల్‌', హలో' చిత్రాలు అఖిల్‌కి ఆశించిన రిజల్ట్‌ని అందించలేకపోయాయి. ఇప్పుడు ముచ్చటగా మూడో చిత్రంతో రెట్టించిన ఉత్సాహంతో ప్రేక్షకుల ముందుకు రానున్నాడు అక్కినేని అందగాడు అఖిల్‌. అఖిల్‌ నటించిన 'మిస్టర్‌ మజ్ను' తాజాగా సెన్సార్‌ బోర్డ్‌ నుండి యు బై ఏ సర్టిఫికెట్‌ అందుకుంది. యాక్షన్‌ అండ్‌ రొమాంటిక్‌ ఎంటర్‌టైనర్‌గా తెరకెక్కుతోన్న ఈ సినిమాకి సెన్సార్‌ బోర్డు ఒక్క కత్తెర కూడా వేయకుండా యు బై ఎ సర్టిఫికెట్‌ ఇచ్చేసింది. ఇక ఆడియన్స్‌ ఇచ్చే సర్టిఫికెట్‌ పైనే అఖిల్‌ భవితవ్యం ఆధారపడి ఉంది.

మరో మూడు రోజుల్లో సినిమా ప్రేక్షకుల ముందుకు రానుంది. ప్రచార చిత్రాలతో బాగానే ఎట్రాక్ట్‌ చేసే ప్రయత్నం చేస్తున్నాడు అఖిల్‌. యూత్‌ మెయిన్‌ టార్గెట్‌గా ఈ సినిమా కథా, కథనాలు ఉన్నట్లు అర్ధమవుతోంది. యూత్‌ఫుల్‌ డైరెక్టర్‌ వెంకీ అట్లూరి యూత్‌ పల్స్‌ని పట్టేలా ఈ సినిమాని తెరకెక్కించినట్లు ప్రచార చిత్రాల ద్వారా తెలుస్తోంది. ఓవర్సీస్‌లోనూ ఈ సినిమాపై పోజిటివ్‌ వైబ్స్‌ కనిపిస్తున్నాయి.

ఇకపోతే హీరోయిన్‌గా నటించిన నిధి అగర్వాల్‌కి ఇది రెండో సినిమా. తొలి సినిమా 'సవ్యసాచి' నిరాశపరచినా, అమ్మడికి సోషల్‌ మీడియా ద్వారా బాగానే క్రేజ్‌ ఉండడంతో, ఆ క్రేజ్‌ ఈ సినిమాకి కలిసొస్తుందనిపిస్తోంది. తమన్‌ మ్యూజిక్‌ ఆకట్టుకునేలా ఉంది. ఇక ఫైనల్‌ వర్డిక్ట్‌ తెలియాలంటే ముచ్చటగా మూడు రోజులు ఆగాల్సిందే.