హీరో నాని కారుకి ఈరోజు ఉదయం హైదరాబాద్ లో ప్రమాదం జరిగింది.
వివరాల్లోకి వెళితే, నేటి తెల్లవారుజామున జూబిలీహిల్స్ రోడ్డు నెం 45లో ప్రయాణిస్తున్న హీరో నాని కారు అదుపుతప్పి పక్కనే ఉన్న స్తంబానికి డీకొట్టింది. ఈ ప్రమాదానికి గురైంది ఇన్నోవా కారు. ప్రమాదం జరిగిన సమయంలో హీరో నాని తండ్రి రాంబాబు కారులో ఉన్నట్టు సమాచారం.
అయితే ఈ ప్రమాదం జరగడానికి కారణం కారు నడుపుతున్న డ్రైవర్ నిద్రమత్తులో ఉండడమే కారణం అని తెలుస్తున్నది. ఇక ఈ ప్రమాదంలో నాని తండ్రికి స్వల్ప గాయాలు అయినట్టు సమాచారం. అయితే ఇందులో హీరో నాని కూడా ఉన్నట్టు వార్తలు రావడంతో అందరు ఆందోళన చెందారు.
ఈ తరుణంలో హీరో నాని స్వయంగా తన ట్విట్టర్ ద్వారా క్షేమ సమాచారాలని తెలిపాడు. చిన్న చిన్న గాయాలు అయినట్టు, ఒక వారంలో మళ్ళీ షూటింగ్ లో పాల్గొంటాను అని క్లారిటీ ఇచ్చేశాడు.
