తమిళ హీరో విక్రమ్ తండ్రి వినోద్ రాజ్ (80) ఇక లేరు.
గత కొంతకాలంగా గుండె సంబందిత వ్యాదితో భాదపడుతున్న ఆయన నిన్న సాయంత్రం చెన్నైలోని ఆయన స్వగృహంలో తుదిశ్వాస విడిచారు. ఈ విషయం ఈరోజు ఉదయానికి బయటకి తెలిసింది, దానితో సోషల్ మీడియా ద్వారా పలువురు సినీ ప్రముఖులు విక్రమ్ కి తమ ప్రగాడ సానుభూతిని తెలుపుతున్నారు.
వినోద్ రాజ్ కూడా విక్రమ్ లాగే నటుడు, పలు తమిళ చిత్రాలతో పాటు కొన్ని సీరియల్స్ కూడా ఆయన నటించడం జరిగింది. కొత్త సంవత్సరం అడుగుపెడుతున్న తరుణంలో ఇటువంటి విషాద సంఘటన విక్రమ్ కుటుంబంలో జరగడంతో ఆయన అభిమానులు తీవ్ర దిగ్బ్రాంతిలో మునిగిపోయారు. ఇక ఈ పరిణామంతో విక్రమ్ కుటుంబం సైతం పెద్ద దిక్కు కోల్పోయామని శోకంలో మునిగిపోయారు.
ఈ విషాద సమయంలో www.iQlikmovies.com తరపున విక్రమ్ కుటుంబసభ్యులకి సానుభూతిని తెలియచేస్తున్నాము.
