ప్రముఖ డైరెక్టర్‌ కోదండ రామిరెడ్డి కొడుకు వైభవ్‌. డైరెక్షన్‌ రంగంలోనే తన సత్తా చాటాలనుకున్నాడు. కానీ అనుకోకుండా హీరో అయ్యాడు. హీరోగా 'గొడవ', కాస్కో' తదితర చిత్రాల్లో నటించాడు. నటుడిగా మంచి గుర్తింపు తెచ్చుకున్నాడు. కానీ హీరోగా తన స్థానం నిలబెట్టుకోలేకపోయాడు. తాజాగా చరణ్‌ సినిమా కోసం ఈ హీరో పేరు వినిపిస్తోంది. చరణ్‌, సుకుమార్‌ కాంబినేషన్‌లో తెరకెక్కుతోన్న చిత్రంలో వైభవ్‌ని ఓ స్పెషల్‌ క్యారెక్టర్‌ కోసం ఎంచుకున్నారని తెలుస్తోంది. ఇప్పటికే ఈ సినిమాలో ఆది పినిశెట్టి నటిస్తున్నాడని ప్రచారం జరుగుతోంది. తాజాగా వైభవ్‌ పేరు బయటికి వచ్చింది. అయితే ఈ ఇద్దరూ నటిస్తారా? లేక ఈ ఇద్దరిలో ఎవరో ఒకరే నటిస్తారా? అనే విషయంపై క్లారిటీ రావాల్సి ఉంది. ఈ సినిమాలో చరణ్‌ ఓ ప్రయోగాత్మక పాత్రలో నటిస్తున్నాడు. పల్లెటూరి నేపధ్యంలో తెరకెక్కుతోంది ఈ సినిమా. అందుకోసం చరణ్‌ తన స్టైలిష్‌ బాడీ లాంగ్వేజ్‌ని పల్లెటూరి యువకుడి తరహాలో ఉండేలా మలచుకుంటున్నాడు. అలాగే గెటప్‌ కూడా చాలా డిఫరెంట్‌గా ఉండబోతోందంటున్నారు. ఈ సినిమాలో సమంతని హీరోయిన్‌గా ఎంచుకున్నారు. తొలిసారిగా ముద్దుగుమ్మ సమంత, చరణ్‌తో జతకడుతోంది ఈ సినిమాలో. త్వరలోనే ఈ సినిమా పట్టాలెక్కనుంది.
