హిందీ 'ప్రస్థానం' మొదలెట్టేసిన అమైరా దస్తూర్‌

By iQlikMovies - May 11, 2018 - 12:30 PM IST

మరిన్ని వార్తలు

తెలుగులో 'మనసుకు నచ్చింది' సినిమాలో నటించిన ముద్దుగుమ్మ అమైరా దస్తూర్‌ త్వరలోనే 'రాజుగాడు' సినిమాతో ప్రేక్షకుల ముందుకు రానుంది. ఈ ముద్దుగుమ్మకి తెలుగులో తొలి సినిమా 'మనసుకు నచ్చింది'. నటన పరంగా, గ్లామర్‌ పరంగా అమ్మడు ఓకే అనిపించినా, ఈ సినిమా ఆశించిన రిజల్ట్‌ని అందించడంలో ఫెయిలైంది. సెకండ్‌ మూవీగా రాజ్‌తరుణ్‌తో జత కడుతోంది. ఆల్రెడీ ఈ బ్యూటీ తమిళంలో ఓ సినిమాలో నటించింది.

 

సూపర్‌స్టార్‌ రజనీకాంత్‌ అల్లుడు ధనుష్‌ హీరోగా వచ్చిన 'అనేగన్‌' చిత్రంలో అమైరా దస్తూర్‌ హీరోయిన్‌గా నటించింది. ఆ చిత్రంలో మూడు వేరియేషన్స్‌ ఉన్న పాత్రలో ఈ బ్యూటీ చాలా బాగా నటించింది. అందానికి అందం, అందానికి తగ్గ అభినయంతో ఆకట్టుకుంది. తెలుగులో ఇంకా బ్రేక్‌ రాలేదు కానీ, ఈ బ్యూటీకి లేటెస్టుగా బాలీవుడ్‌లో ఛాన్స్‌ వచ్చిందని తెలుస్తోంది. అప్పుడెప్పుడో తెలుగులో శర్వానంద్‌ హీరోగా తెరకెక్కిన 'ప్రస్థానం' సినిమా గుర్తుంది కదా.

 

సాయి కుమార్‌ కీలకపాత్ర పోషించాడీ సినిమాలో. ఆ సినిమాని ఇప్పుడు హిందీలో రీమేక్‌ చేస్తున్నారట. ఒరిజినల్‌ని తెరకెక్కించిన తెలుగు డైరెక్టర్‌ దేవా కట్టా ఈ చిత్రాన్ని హిందీలో రీమేక్‌ చేస్తున్నాడు. ఈ సినిమాలో హీరోయిన్‌గా అమైరాని ఎంపిక చేసుకున్నారట. ఈ సినిమాలో సాయి కుమార్‌ పాత్రను బాలీవుడ్‌ స్టార్‌ హీరో సంజయ్‌దత్‌ పోషిస్తున్నాడు. సంజయ్‌దత్‌ సొంత బ్యానర్‌లో ఈ సినిమా రూపొందుతోంది. ఈ సినిమాతో బాలీవుడ్‌కి ఎంట్రీ ఇస్తున్న క్యూట్‌ బ్యూటీ అమైరా దస్తూర్‌, ఆల్రెడీ ఇంటర్నేషనల్‌ మూవీ 'కుంగ్‌ఫూ యోగా'లో జాకీచాన్‌తో కలిసి నటించేసింది.


JOIN THE iqlik movies CONVERSATION

To fine out more about Facebook commenting please read the Conversation Guidelines and FAQS