ప్ర‌స్తుతం థియేట‌ర్ల‌లో ఆడుతున్న హిట్ సినిమా... పేరుకు త‌గ్గ‌ట్టు హిట్టో లేక ఫ‌ట్టో తెలియాలంటే ఇంకో రెండుమూడ్రోజులు ఆగాలి. అయితే ఈ సినిమా ప్ర‌మోష‌న్స్‌లో భాగంగా ఓ యూట్యూబ్ ఛాన‌ల్లో ఇటీవ‌ల ద‌ర్శ‌కుడు శైలేష్ చెప్పిన విష‌యాలు ఆస‌క్తిక‌లిగిస్తున్నాయ్‌.

ఈ సినిమా నిర్మాతైన నానికి ఈ క‌థ చెప్ప‌డానికి త‌ను భ‌య‌ప‌డ‌లేదంట‌.. హీరో విశ్వ‌క్సేన్‌కి క‌థ చెప్ప‌డానికి భ‌య‌ప‌డ్డాడ‌ట‌. నాని స్వ‌త‌హాగా చాలా కూల్ కాబ‌ట్టి క‌థ‌ను తేలిగ్గా చెప్పేశాన‌నీ.. కానీ విశ్వాకు క‌థ చెప్ప‌డానికి కాస్త టెన్ష‌న్ ప‌డ్డాన‌నీ.. త‌ను పెక్యుల‌ర్ ప‌ర్స‌న్‌గా అనిపిస్తాడ‌నీ.. క‌థ చెబితే ఎలా రియాక్ట‌వుతాడో అని కాస్త టెన్ష‌న్ ప‌డ్డాన‌నీ ద‌ర్శ‌కుడు అన్నాడు..

హీరో విశ్వ‌క్సేన్‌కి ఇది మూడో సినిమానో నాలుగో సినిమానో.. ప్ర‌స్తుతం త‌ను హీరోగా నిల‌దొక్కుకునే స్థితిలో వున్నాడు.. అలాంటి హీరోకి క‌థ చెప్ప‌డానికి ద‌ర్శ‌కుడు భ‌య‌ప‌డ్డాడంటే విన‌డానికి చిత్రంగా అనిపిస్తోంద‌ని ప‌లువురు అభిప్రాయ‌ప‌డుతున్నారు.. నిజానికి హిట్ సినిమాలో విశ్వ‌క్సేన్ చాలా బాగా చేశాడు.. పెద్ద హీరోగా ఎదిగే ల‌క్ష‌ణాలు చాలా క‌నిపించాయ్‌. కానీ ఇలా క‌థలు చెప్ప‌డానికే ద‌ర్శ‌కులు భ‌య‌ప‌డితే ఎలా? అనేది పలువురు ఆశ్చ‌ర్యం వ్య‌క్తం చేస్తున్నారు.