పాన్ ఇండియా స్టార్ ప్రభాస్ రేంజ్, రోజు రోజుకి పెరుగుతోంది. బాహుబలి వరకు ప్రభాస్ కెరియర్ టాలీవుడ్ కే పరిమితం అయ్యింది. బాహుబలి తరవాత పాన్ వరల్డ్ స్టార్ అయిపోయాడు. లేటెస్ట్ గా వచ్చిన సలార్c సూపర్ హిట్ అవటంతో ప్రపంచవ్యాప్తంగా డార్లింగ్ కి ఫాన్స్ ఏర్పడ్డారు. నెక్స్ట్ ఈ బాహుబలి చేయబోయే ప్రాజెక్ట్స్ కోసం ఆసక్తిగా ఎదురుచూస్తున్నారు. ప్రభాస్ కూడా ఒక సినిమా అయ్యాక ఇంకొకటి కమిట్ అవకుండా, వరసగా ప్రాజెక్ట్స్ కి గ్రీన్ సిగ్నల్ ఇచ్చి ఒకే ఇయర్ లో రెండు సినిమాలతో వచ్చే విధంగా ప్లాన్ చేసుకుంటున్నాడు. ప్రజంట్ కల్కి రిలీజ్ కి దగ్గరలో ఉంది. నెక్స్ట్ మారుతి డైరక్షన్ లో ది రాజా సాబ్ షూటింగ్ జరుగుతోంది. సలార్ 2, స్పిరిట్ కూడా షెడ్యూల్ కోసం చూస్తున్నారు. ఇప్పుడు హను రాఘవపూడి డైరక్షన్ లో ఒక మూవీకి ప్రభాస్ ఓకే చెప్పాడు.
సీతారామం తో అందరి దృష్టిని తన వైపు తిప్పుకున్న హను డార్లింగ్ తో చేయబోయే సినిమా కోసం స్క్రిప్ట్ రెడీ చేస్తున్నాడు. ఈ మూవీ వరల్డ్ వార్ నేపథ్యంతో సాగే ఓ ప్రేమ కథతో రూపొందనుందని సమాచారం. లవ్ స్టోరీస్ ని తీయటం లో హను దిట్ట, ప్రభాస్ కూడా ఇలాంటి స్టోరీ చేసి చాల రోజులు కావటంతో సినీ ప్రియులు ఈ మూవి పై ఆసక్తిగా ఉన్నారు. ప్రభాస్ ఫాన్స్ అయితే ఇన్నాళ్లకు తమ హీరోని లవర్ బాయ్ గా చూడబోతున్నామని సంతోషంగా ఉన్నారు.
ఈ మూవీ ఈ ఏడాది డిసెంబర్ నెల నుంచి మొదలు పెట్టబోతున్నారని టాక్. అక్టోబర్ 23 ప్రభాస్ పుట్టినరోజు కావటంతో ఈ సినిమాకు సంబంధించిన అఫీషియల్ అనౌన్స్ మెంట్ వచ్చే అవకాశం ఉంది. ప్రభాస్ సినిమా అనేసరికి హీరోయిన్ ఎవరన్న చర్చ కూడా మొదలవుతుంది. చాలా మంది పేర్లు పరిశీలించినప్పటికీ ఎవరూ ఫైనల్ కాలేదు. లేటెస్ట్ అప్డేట్ ప్రకారం ప్రభాస్ సరసన హాలీవుడ్ హీరోయిన్ నటిస్తుందని తెలుస్తోంది. వరల్డ్ వార్ స్టోరీ కావడంతో హాలీవుడ్ హీరోయిన్ అయితే బెటర్ అన్న ఆలోచనలో ఉన్నారట మేకర్స్. ఎవరుఏంటి అన్న డీటెయిల్స్ తెలియాల్సి ఉంది.
