యామీ గౌతమ్‌ మంచి నటి. 'విక్కీడోనర్‌' సినిమాతో పాపులర్‌ అయిన ఈ బ్యూటీ తెలుగులో 'గౌరవం', 'కొరియర్‌ బాయ్‌ కళ్యాణ్‌' సినిమాల్లో నటించింది. ఈ భామ తాజాగా 'కాబిల్‌' సినిమాలో నటించింది. ఈ సినిమా నేడే విడుదలయ్యింది. సినిమాకి మంచి రెస్పాన్స్‌ వస్తోంది. తెలుగులోనూ, హిందీలోనూ కూడా విడుదలైన ఈ సినిమా రిలీజ్‌కి ముందు నుంచే ఇంట్రెస్ట్‌ క్రియేట్‌ చేసింది. అలాగే సినిమాకి మంచి ఓపెనింగ్స్‌ వచ్చాయి. నటీనటుల నటనా ప్రతిభ పరంగా ఈ సినిమా అందరి ప్రశంసలు అందుకుంటోంది. హృతిక్‌ రోషన్‌, యామీ గౌతమ్‌ ఇద్దరూ అంధులుగా నటించారు ఈ సినిమాలో. హృతిక్‌ రోషన్‌ విభిన్న చిత్రాలతో ఇప్పటికే తన సత్తా ఏంటో చాటాడు. అతని నటనలో కొత్త కోణం ఈ సినిమాతో చూడొచ్చు. యామీ గౌతమ్‌ గురించీ గొప్పగా చెప్పుకుంటున్నారు. ఇలాంటి పాత్రకు ఆమె ఒప్పుకోవడమే పెద్ద సాహసం. హృతిక్‌తో పోటీ పడి డాన్సులు వేసేసింది అంధురాలి పాత్రలో అయినా. అలాగే ఓ సాదాసీదా లవ్‌స్టోరీని ఇద్దరు అంధ లవర్స్‌తో తెరకెక్కించిన వైనం చాలా బాగుందంటున్నారు. అంచనాలకు తగ్గట్టుగానే ఈ సినిమా మంచి విజయాన్ని అందుకుంటోంది. హృతిక్‌ రోషన్‌ కెరీర్‌లో ఈ సినిమా ఓ డిఫరెంట్‌ అండ్‌ సక్సెస్‌ఫుల్‌ మూవీగా నిలిచిపోతుంది. అలాగే తెలుగు సినిమాల పరంగా అంతగా గొప్ప పేరు తెచ్చుకోకపోయినా, యామీ గౌతమ్‌కి ఈ సినిమాతో తెలుగులో కూడా మంచి ఫాలోయింగ్‌ వస్తుందనడంలో అతిశయోక్తి కాదనిపిస్తోంది.
