ఈ సంవత్సరంకు గాను కేంద్ర ప్రభుత్వం ప్రకటించిన పద్మ అవార్డులని ప్రకటించింది. అందులో భాగంగా మేస్ట్రో ఇళయరాజాకి పద్మవిభూషణ్ అవార్డు ప్రకటించి గౌరవించింది.
దీనితో ఈయన అద్బుతమైన సంగీత ప్రయాణంలో ఈ అవార్డు ఒక కలికితు రాయిగా మారనుంది. ఈయనకి ఇంతటి ప్రతిష్టాత్మక పురస్కారం లభించడంతో ప్రపంచవ్యాప్తంగా ఉన్న ఈయన అభిమానుల ఆనందానికి అవధుల్లేకుండా పోయింది.
ఇక ఈ పురస్కారం అందుకున్న వెంటనే ఆయనకీ శుభాకాంక్షలు వెల్లువెత్తుతున్నాయి. తమిళ సూపర్ స్టార్స్ రజినీకాంత్, కమల్ హసన్ లు ఈ వార్త తెలియగానే వెంటనే ఆయనకీ ఫోన్ చేసి అభినందించారు అని సమాచారం.
మొత్తానికి ఇళయరాజాకి అత్యున్నతమైన ‘పద్మా’ అవార్డు రావడం సంగీత ప్రియులకి గర్వకారణం.
