స్టైలిష్ స్టార్ సినిమా సినిమాకి తన రేంజ్ పెంచుకుంటూ పోతున్నాడు. ఇప్పటికే బ్యాక్ టు బ్యాక్ హిట్స్ తో కెరీర్ లోనే పీక్ పాయింట్ లో బన్నీ కొనసాగుతున్నాడు.
ఇక ఇదే టైంలో మరొక బంపర్ హిట్ ని దువ్వాడ జగన్నాధం రూపంలో అందుకున్నాడు. తొలిరోజు కలెక్షన్స్ పరంగా తన అన్ని సినిమాల కంటే ఎక్కువగా ఈ సినిమా కలెక్ట్ చేసింది. కథ విషయానికి వస్తే, రొటీన్ కథనే స్టైలిష్ గా చూపెట్టడానికి దర్శకుడు హరీష్ శంకర్ ప్రయత్నించాడు.
ఈ సినిమాకి బన్నీ వేసిన దువ్వాడ జగన్నాధం రోల్ అలాగే పూజ హెగ్డే గ్లామర్ ఈ సినిమాకి రిపీట్ ఆడియన్స్ ని తెచ్చే అంశాలు. అయితే ఈ సినిమాకి యావరేజ్ టాక్ వచ్చినా బన్నీకి పెరుగుతున్న ఫాలోయింగ్ కారణంగా ఈ సినిమాకి కలెక్షన్స్ రాగలిగాయి.
ప్రతి సినిమాతో తన బేస్ ని ఇండస్ట్రీలో పదిలం చేసుకుంటున్న బన్నీకి ఇది మరొక కమర్షియల్ హిట్ అని చెప్పొచ్చు. అయితే ఈ రోజుల్లో సినిమా టాక్ తో నిమిత్తం లేకుండా కలెక్షన్స్ ఆధారంగా రిజల్ట్ డిక్లేర్ చేసే ట్రెండ్ నడుస్తున్న సందర్భంలో ఈ సినిమా కూడా హిట్ జాబితాల్లో చేరిపోయింది.
