'కేశవ' సినిమాలో బాలీవుడ్‌ బ్యూటీ ఇషా కొప్పికర్‌ కీలక పాత్రలో నటిస్తోంది. ఈ పాత్ర కోసం చాలా మందిని పరిశీలించి, చివరికి ఈ ముద్దుగుమ్మను ఎంచుకున్నారట. ఈ పాత్రకు సినిమాలో చాలా ప్రాధాన్యం ఉంటుంది. ఇన్వెస్టిగేషన్‌ ఆఫీసర్‌ పాత్రలో ఇషా నటిస్తోంది ఈ సినిమాలో. సినిమా విడుదలయ్యాక ఈ పాత్ర రిజిస్టర్‌ అయిపోతుంది అంటున్నారు. అంత గొప్పగా డైరెక్టర్‌ ఈ క్యారెక్టర్‌ని డిజైన్‌ చేశాడట. సుధీర్‌ వర్మ డైరెక్షన్‌లో ఈ సినిమా తెరకెక్కుతోంది. ఈ శుక్రవారం సినిమా ప్రేక్షకుల ముందుకు వస్తోంది. ఈ ముద్దుగుమ్మ గతంలో నాగార్జునతో 'చంద్రలేఖ' సినిమాలో నటించింది. రమ్యకృష్ణకు ధీటుగా ఇషా నటన ఉంటుంది ఈ సినిమాలో. తాజాగా 'కేశవ' సినిమా కోసం ఆమె చాలా ఇష్టపడి టాలీవుడ్‌లోకి ఎంట్రీ ఇచ్చిందట. ఎందుకంటే ఆ పాత్ర గొప్పతనం అలాంటిది అంటున్నారు చిత్ర యూనిట్‌. ఈ సినిమాలో ఇషాపై కొన్ని యాక్షన్‌ సీన్స్‌ని చిత్రీకరించారట. ఆ యాక్షన్‌ సీన్స్‌ సినిమాకి ప్లస్‌ కావడం ఖాయమంటున్నారు. అలాగే మార్షల్‌ ఆర్ట్స్‌లో ఆరితేరిన భామ ఇషా. అందుకే ఆమెని ఈ పాత్రకి ఎంపిక చేసుకోవడం జరిగింది. అంతేకాదు ఇషాకి సోషల్‌ మీడియా ఫాలోయింగ్‌ కూడా చాలా ఎక్కువే. ఆమె ఈ సినిమాలో నటిస్తోంది అనగానే వచ్చిన రెస్పాన్స్‌ అదరిపోతుందట సోషల్‌ మీడియాలో. సోషల్‌ మీడియా ఫ్యాన్స్‌ ఆమె కోసమే ఈ సినిమాని చూసేందుకు ఇంట్రెస్ట్‌ చూపే అవకాశాలు కూడా లేకపోలేవు. నిఖిల్‌, రీతూ వర్మ జంటగా నటిస్తున్నారు ఈ సినిమాలో.
