నిఖిల్‌ హీరోగా తెరకెక్కుతోన్న చిత్రం 'కేశవ'. ఈ సినిమాలో 'పెళ్లి చూపులు' ఫేం రీతూవర్మ హీరోయిన్‌గా నటిస్తోంది. బాలీవుడ్‌ బ్యూటీ ఇషా కొప్పికర్‌ కీలక పాత్రలో కనిపిస్తోంది ఈ సినిమాలో. 'కేశవ' ఓ డిఫరెంట్‌ కాన్సెప్ట్‌ మూవీ. ఈ సినిమాలో నిఖిల్‌ చాలా మెచ్యూర్డ్‌ లుక్‌లో చాలా రఫ్‌గా కనిపిస్తున్నాడు. కాగా ఇషా కొప్పికర్‌ పాత్రను చాలా బాగా డిజైన్‌ చేశారు డైరెక్టర్‌ సుధీర్‌ వర్మ. ఆమె ఓ పవర్‌ ఫుల్‌ పోలీసాఫీసర్‌ పాత్రలో నటిస్తోంది ఈ సినిమాలో. ఈమె పాత్రకి బుల్లితెర యాంకర్‌ అనసూయ డబ్బింగ్‌ చెప్పింది. 'క్షణం' మూవీలో అనసూయ పోషించిన పాత్రలోనే ఇషా కనిపిస్తోంది ఈ సినిమాలో. హీరో నిఖిల్‌ కత్తి పట్టి వరుసగా మర్డర్లు చేస్తోంటే, ఇషా పోలీసాఫీసర్‌గా వాటిని ఇన్వెస్టిగేషన్‌ చేసే పనిలో ఉంటుందట ఈ సినిమాలో. పోలీసాఫీసర్‌ పాత్ర అయినప్పటికీ ఇషాలోని గ్లామర్‌ అప్పీల్‌ ఏమాత్రం మిస్‌ కాదట. హీరోయిన్‌ రీతూ వర్మను మించిన గ్లామర్‌తో, సూపర్‌ హాట్‌గా అలరించనుందంటున్నారు. బాలీవుడ్‌లో వరుస సినిమాలతో బిజీగా ఉంది ఈ ముద్దుగుమ్మ. అలాంటిది తెలుగులో 'కేశక' సినిమా కోసం రీ ఎంట్రీ ఇచ్చింది. అంటే ఈ క్యారెక్టర్‌ ఆమెని అంతగా ఇన్‌స్పైర్‌ చేసిందంటోంది. మనసుకు నచ్చిన పాత్ర ఎక్కడి నుండి అవకాశం వచ్చినా వదలనంటోంది. అలాగే ఇకపై వరుసగా తెలుగులోనూ సినిమాలు చేస్తానంటోంది. గతంలో నాగార్జునతో 'చంద్రలేఖ' సినిమాలో నటించింది ఈ ముద్దుగుమ్మ.