సినిమా ప్రారంభమయ్యిందనే న్యూస్‌తోపాటు టీజర్‌ని రిలీజ్‌ చేయడం బహుశా 'పటేల్‌' విషయంలోనే తొలిసారిగా జరిగి ఉండొచ్చు. జగపతిబాబు ప్రధాన పాత్రలో తెరకెక్కుతున్న సినిమా ఇది. టీజర్‌ అయితే అదిరిపోయింది. హాలీవుడ్‌ సినిమాని తలపించింది. హాలీవుడ్‌ హీరోలా కండలతో సత్తా చాటాడు జగపతిబాబు. అది కూడా తన వయసుకు తగ్గ పాత్రలో. అదే 'పటేల్‌' సినిమా ప్రత్యేకత. ఈ టీజర్‌ యూ ట్యూబ్‌లో సంచలనాలు సృష్టించేస్తోంది. కొంచెం కొత్తగా ఆలోచించిన వారాహి సంస్థ, సినిమా ప్రారంభం కాకుండానే టీజర్‌ కోసం షూటింగ్‌ చేసిందట. ఈ కథ తెలుసుకుని అంతా ఆశ్చర్యపోయారు. ప్లానింగ్‌ సూపర్బ్‌గా ఉంది కదూ. అందుకూ యూ ట్యూబ్‌లో 'పటేల్‌' టీజర్‌ సంచలనంగా మారింది. జగపతిబాబు రొమాంటిక్‌ హీరోగా గతంలో మంచి పాపులారిటీ సంపాదించుకున్నాడు. అలాగే సెకండ్‌ ఇన్నింగ్స్‌లో పలు విభిన్న తరహా పాత్రల్లో నటించి మెప్పించాడు. మెప్పిస్తూనే ఉన్నాడు. కానీ జగపతిబాబు నుండి ఇలాంటి తరహాలో ఓ సినిమా వస్తుందని ఎవ్వరూ ఊహించలేదు. ఊహలకు అందకుండా జగపతిబాబు చేసిన ఈ ప్రయత్నం అందరూ మెచ్చుకోకుండా ఉండలేకపోతున్నారు. జగపతిబాబు హ్యాండ్‌సమ్‌ అని తెలుసు. కానీ లేటు వయసులో మెరిసిన జుట్టు, గెడ్డంతో కూడా ఇంత హ్యాండ్‌సమ్‌గా కనిపిస్తారని మాత్రం ఈ 'పటేల్‌' సినిమా టీజర్‌ చూస్తుంటేనే అర్ధమవుతుంది. వారెవ్వా జగ్గూ భాయ్‌ వాట్‌ ఏ బాడీ బిల్డింగ్‌. కీప్‌ ఇట్‌ అప్‌!