సెప్టెంబర్‌ 21న ప్రేక్షకుల ముందుకు రానుంది 'జై లవకుశ'. ఎన్టీఆర్‌ త్రిపాత్రాభినయం చేస్తున్న సినిమా ఇది. జై రఫ్‌గా ఉంటాడు. లవకుమార్‌ అమాయకుడు పైగా మంచోడు. కుశ నాటీ బాయ్‌. ఇవీ ఎన్టీఆర్‌ పాత్రలు ఈ సినిమాలో. ఈ ముగ్గురూ ఒకే పోస్టర్‌లో డిఫరెంట్‌ ఎక్స్‌ప్రెషన్స్‌తో కనిపిస్తే ఎలా ఉంటుంది అని ఆలోచిస్తున్నారా? అందుకే ఇక ఆలోచించకండి ఇదిగో ఈ పోస్టర్‌ చూసేయండి. హ్యాపీ ఫీలవ్వండి. మూడు డిఫరెంట్‌ ఎక్స్‌ప్రెషన్స్‌తో ఎన్టీఆర్‌ భలే ముద్దొచ్చేస్తున్నాడు కదా. పోస్టర్‌ని డిజైన్‌ చేసిన విధానం చాలా బాగుంది. టీజర్‌తోనే కిక్కెక్కిస్తే ఎన్టీఆర్‌ని ఇలా ఈ పోస్టర్‌లో చూసిన అభిమానులు అస్సలు ఆగలేకపోతున్నారు. ఎప్పుడెప్పుడు సినిమా చూస్తామా అనే ఆత్రుతలో ఉన్నారు. అంచనాలకు తగ్గట్లుగానే ఈ సినిమా నుండి వచ్చే ప్రతీ పోస్టర్‌ కూడా అంతే ఆశక్తిని రేకెత్తిస్తోంది. ఇక సెప్టెంబర్‌ 10న రాబోయే ట్రైలర్‌ ఇంకెంత అద్భుతంగా ఉండబోతోందో. ఇప్పటికే సినిమాపై పెరిగిపోయిన అంచనాలు, ఈ పోస్టర్‌తో పదింతలయ్యాయి. ఈ నెల 3వ తేదీన డైరెక్ట్‌గా మార్కెట్‌లోకి ఆడియో విడుదల చేసేస్తున్నారు. 10న ప్రీ రిలీజ్‌ ఫంక్షన్‌ చేయనున్నారు. ఈ ఫంక్షన్‌లోనే ట్రైలర్‌ విడుదల చేయనున్నారు. బాబీ (కెఎస్‌ రవీంద్ర) దర్శత్వంలో తెరకెక్కుతోన్న ఈ సినిమాని నందమూరి తారకరామారావు ఆర్ట్స్‌ పతాకంపై కళ్యాణ్‌రామ్‌ నిర్మిస్తున్నాడు.