అతిలోక సుందరి అందాల తార శ్రీదేవి కూతురు జాన్వీ కపూర్‌ హీరోయిన్‌గా తెరంగేట్రం చేస్తున్న సంగతి తెలిసిందే. 'ధడక్‌' సినిమాతో ఈ బ్యూటీ ఎంట్రీ ఇస్తోంది. ఇటీవలే జాన్వీ కపూర్‌ ఫస్ట్‌లుక్‌ స్టిల్స్‌ని రిలీజ్‌ చేస్తూ సినిమా అనౌన్స్‌ చేశారు. తాజాగా ఈ చిత్రం సెట్స్‌ మీదికెళ్లింది. ఇషాన్‌ ఈ సినిమాలో జాన్వీ కపూర్‌తో జత కడుతున్నాడు. ఫస్ట్‌లుక్‌ స్టిల్స్‌తోనే శ్రీదేవి కూతురు అనిపించుకుంది ఈ ముద్దుగుమ్మ అందంలో. ఇక నటనలో తల్లిని మించిన తనయ అనిపించుకుంటుందో లేదో చూడాలిక. 

చాలా కాలంగా నటనలో ప్రత్యేక శిక్షణ తీసుకుంటోంది జాన్వీ కపూర్‌. తల్లి సూచనల మేరకు సర్వం సంసిద్ధంగా మారిన తర్వాతే జాన్వీ కపూర్‌ తెరంగేట్రం షురూ అయింది. నటనతో పాటు, డాన్సుల్లోనూ శిక్షణ తీసుకుంది జాన్వీ. తల్లిలాగే సినిమాలంటే ఎంతో ఆశక్తి జాన్వీ కపూర్‌కి. చిన్నతనం నుండీ సినిమాలపై మక్కువ ఎక్కువేనట. అతిలోక సుందరి కూతురు కదా ఎంతైనా. నాన్న బోణీ కపూర్‌ ఓ బడా నిర్మాత. ఇలా సినీ ప్యామిలీ నుండి వచ్చిన జాన్వీకి సినిమా అంటే మక్కువ ఉండడంలో విశేషం ఏముంది. కానీ సినిమాల్లో తన టాలెంట్‌ని ప్రదర్శించే టైం ఇప్పుడు రానే వచ్చింది. జాన్వీ తొలి సినిమా అయిన 'ధడక్‌' పైనే భారీ అంచనాలున్నాయి. 

మరాఠీ సినిమా 'సైరత్‌'కి హిందీ రీమేక్‌గా తెరకెక్కుతోన్న 'ధడక్‌'. తొలి సినిమాతో శ్రీదేవి కూతురుగా జాన్వీ తన టాలెంట్‌ని ఎలా ప్రదర్శిస్తుందోనంటూ శ్రీదేవి అభిమానులు ఆశక్తిగా చూస్తున్నారు. తెలుగు, తమిళ, హిందీ భాషల్లో నటిగా మకుటం లేని మహారాణిగా ఓ వెలుగు వెలిగింది శ్రీదేవి. ప్రస్తుతం తన కూతుర్ని బాలీవుడ్‌కి పరిచయం చేస్తోంది. సౌత్‌పై ఎప్పుడు ఫోకస్‌ పెడుతుందో మరి. అయితే 'ధడక్‌' సినిమాని తెలుగులో కూడా రిలీజ్‌ చేసే యోచనలో చిత్ర యూనిట్‌ ఉన్నట్లు సమాచారమ్‌. చూడాలి మరి ఏం జరుగుతుందో!