మెగా మేనల్లుడు సాయి ధరమ్‌ తేజ్‌ తాజా చిత్రం 'చిత్రలహరి' ఈ సమ్మర్‌కి అంటే వచ్చే నెల 12న ప్రేక్షకుల ముందుకు రానున్న సంగతి తెలిసిందే. ప్రచార చిత్రాలతో సినిమాపై బాగానే హైప్‌ క్రియేట్‌ చేశారు. కానీ ఏమో ప్రస్తుతం తేజు మార్కెట్‌ చాలా వీక్‌గా ఉంది. ఈ నేపథ్యంలో సినిమా ప్రమోషన్స్‌కి 'అంతకుమించి' అనే స్థాయిలో ప్లాన్‌ చేస్తున్నారట. 'రంగస్థలం' సినిమాతో తిరుగులేని బ్లాక్‌ బస్టర్‌ హిట్‌ కొట్టిన మైత్రీ మూవీ మేకర్స్‌ బ్యానర్‌లో ఆ తర్వాత చాలా సినిమాలే వచ్చాయి. కానీ ఆ స్థాయి హిట్‌ అందుకోలేకపోయాయి.

సో ఈ మెగా హీరోతో ఆ మ్యాజిక్‌ని రిపీట్‌ చేసే యోచనలో ఉందట. అందుకోసం అన్ని రకాల ప్రయత్నాలు ఆల్రెడీ స్టార్ట్‌ అయిపోయాయని తెలుస్తోంది. ఆ క్రమంలో ఈ సినిమా ప్రీ రిలీజ్‌ ఫంక్షన్‌ని గ్రాండ్‌గా ప్లాన్‌ చేస్తున్నారట. ఆ ఫంక్షన్‌కి జూనియర్‌ ఎన్టీఆర్‌ని ఛీఫ్‌ గెస్ట్‌గా ఇన్‌వైట్‌ చేయాలని మైత్రీ మూవీస్‌ వారు భావిస్తున్నారట. ఆ దిశగా ఎన్టీఆర్‌తో మంతనాలు చేస్తున్నారనీ తెలుస్తోంది.

ప్రస్తుతం ఎన్టీఆర్‌ 'ఆర్‌ఆర్‌ఆర్‌' సినిమాలో నటిస్తున్నాడు. చరణ్‌, ఎన్టీఆర్‌ మెగా మల్టీ స్టారర్‌ ఇది. ఈ సినిమాని ఒప్పుకోవడంతోనే వీరిద్దరి మధ్యా స్నేహ సంబంధాలు ఏ రేంజ్‌లో ఉన్నాయో అర్ధం చేసుకోవాలి. ఇటీవల ఎన్టీఆర్‌, తనకు చరణ్‌ పట్ల ఉన్న అభిమానాన్ని మీడియా ముఖంగా బయటపెట్టిన సంగతి కూడా తెలిసిందే. సో మెగా ఫ్యామిలీ హీరో సినిమా ప్రమోషన్‌కి తనను ఇన్‌వైట్‌ చేస్తే రాకుండా ఉంటాడా.?