డిజిటల్‌ వ్యూస్‌లో రికార్డులు సృష్టిస్తోంది 'జై లవకుశ' ట్రైలర్‌. విడుదలైన 36 గంటలలో 1 కోటి డిజిటల్‌ వ్యూస్‌ని సాధించింది. తెలుగు చిత్ర పరిశ్రమలో ఈ వరుసలో 'బాహబలి' సినిమా ట్రైలర్‌ మొదటి స్థానంలో ఉంది. ఆ తర్వాత రెండో స్థానాన్ని గెలచుకుంది 'జై లవకుశ' అట. బాబీ దర్శకత్వంలో ఈ సినిమా తెరకెక్కుతోంది. ఈ నెల 21న ప్రేక్షకుల ముందుకు రానుంది. ఈ సినిమాలో మూడు పాత్రలో ఎన్టీఆర్‌ నటిస్తున్న సంగతి తెలిసిందే. ఈ మూడు పాత్రల్లోనూ జై పాత్రకి ఎక్కువ రెస్పాన్స్‌ వస్తోంది. రాశీఖన్నా, నివేదా థామస్‌ హీరోయిన్లుగా నటిస్తున్నారు ఈ సినిమాలో. ముద్దుగుమ్మ నందిత ఓ ముఖ్య పాత్రలో నటిస్తోంది. ఎన్టీఆర్‌ ఆర్ట్స్‌ బ్యానర్‌పై కళ్యాణ్‌రామ్‌ ఈ సినిమాని నిర్మిస్తున్నారు. సో ఎన్టీఆర్‌కి, కళ్యాణ్‌రామ్‌కీ ఈ సినిమా ఎంతో ప్రత్యేకం. అన్నా దమ్ముల అనుబంధానికి ప్రతీకగా తెరకెక్కుతోన్న సినిమా ఇది. ఈ కాన్సెప్ట్‌తో ఇప్పటికే చాలా సినిమాలు వచ్చాయి. అయితే వాటన్నింట్లోనూ ఈ సినిమా వెరీ వెరీ స్పెషల్‌ కానుందట. ఎన్టీఆర్‌ నట విశ్వరూపం సంగతి తెలిసిందే. అయితే ఈ సినిమాలో ఆ లెవల్స్‌ మరింత పెరగనున్నాయంటున్నారు సినీ ప్రముఖులు. దేవిశ్రీ ప్రసాద్‌ మ్యూజిక్‌తో ఆడియో ఎట్రాక్ట్‌ చేస్తోంది. వరుస సక్సెస్‌ల మీదున్న ఎన్టీఆర్‌ కెరీర్‌లో ఈ సినిమా ఓ ముఖ్య ఘట్టం కానుంది. 'ఘట్టమేదైనా, పాత్రేదైనా నేను రె..రె..రెడీ..' అంటూ ఎన్టీఆర్‌ ట్రైలర్‌లో చెప్తున్న డైలాగ్‌కి నందమూరి అభిమానులు ఊగిపోతున్నారు. ఎప్పుడెప్పుడు సినిమా ధియేటర్లో సందడి చేస్తుందా అంటూ ఎదురు చూస్తున్నారు.