మహానటి సావిత్రి జీవిత గాధ ఆధారంగా తెరకెక్కుతోన్న సినిమా 'మహానటి'. ఈ సినిమాలో 'కీర్తి సురేష్‌' సావిత్రి పాత్రలో నటిస్తున్న సంగతి తెలిసిందే. అయితే లేటెస్టుగా ఈ సినిమాలోనిదంటూ ఓ స్టిల్‌ బయటికి వచ్చింది. ఆ స్టిల్‌కి వచ్చిన రెస్పాన్స్‌ సూపరో సూపర్‌. అయితే లేటుగా తెలిసిన విషయం ఏంటంటే, ఈ స్టిల్‌ 'మహానటి' సినిమాలోనిది కాదంట. ఏదో కమర్షియల్‌ యాడ్‌ కోసం కీర్తి సురేష్‌ అలా రెడీ అయ్యిందట. ఆ మేకప్‌లో ఉన్న ఫోటో బయటికి వచ్చింది. గెటప్‌ని బట్టి ఆ స్టిల్‌ 'మహానటి'లోనిదేనంటూ న్యూస్‌ హాట్‌ టాపిక్‌ అయ్యింది. మొత్తానికి కీర్తి సురేష్‌ భలే షాకే ఇచ్చింది. ఏది ఏమైనా ఈ సినిమాకి ఇదో ఫ్రీ పబ్లిసిటీ అనుకోవచ్చు. అలాగే కీర్తి సురేష్‌ 'సావిత్రి' పాత్రలో ఇలా ఉండబోతోందేమో అని ప్రేక్షకులు ఓ ఐడియాకొచ్చారు. అయితే 'మహానటి'లో సావిత్రిగా కీర్తి సురేష్‌ ఇంకా అందంగా ఉండనుందట. ఈ సినిమా ఫస్ట్‌లుక్‌ రావడానికి ఇంకా సమయం పట్టనుందట. ఈలోగా ఈ రకంగా జరిగిన ప్రచారం విషయంలో కీర్తి సురేష్‌ స్పందించి తన ట్విట్టర్‌ ద్వారా క్లారిటీ ఇచ్చింది. నాగ అశ్విన్‌ 'మహానటి' సినిమాని తెరకెక్కిస్తున్నారు. తెలుగు, తమిళ, మలయాళ భాషల్లో ఈ సినిమా రూపొందుతోంది. సమంత కీలక పాత్రలో నటిస్తుండగా, విజయ్‌ దేవరకొండ, షాలినీ, ప్రగ్యా జైశ్వాల్‌ ఇతర తారాగణంగా నటిస్తున్నారనీ సమాచారమ్‌.