ఎన్టీఆర్‌ చిన్నప్పటి నుండీ క్లాసికల్‌ డాన్సర్‌ అన్న సంగతి తెలిసిందే. ఆయనకున్న క్లాసికల్‌ డాన్స్‌ ప్రావీణ్యంతోనే డాన్సులో ఎలాంటి స్టెప్‌ అయినా ఈజీగా వేసేయగలడు. అయితే ఎన్టీఆర్‌ తాజా చిత్రం 'జై లవ కుశ' విషయానికి వస్తే, ఈ సినిమాలో ఓ పాత్ర ఖచ్చితంగా డాన్స్‌ని అమితంగా ప్రేమించే క్యారెక్టర్‌ అని తెలియ వస్తోంది. గతంలో చిరంజీవి త్రిపాత్రాభినయంలో వచ్చిన 'ముగ్గురు మొనగాళ్లు' సినిమాలో కూడా చిరు ఓ పాత్రలో క్లాసికల్‌ డాన్సర్‌గా కనిపించారు. ఇప్పుడు ఎన్టీఆర్‌ కూడా అదే తరహా పాత్రలో నటిస్తున్నాడంటూ గాసిప్స్‌ బాగా వినిపిస్తున్నాయి. అయితే చిత్ర యూనిట్‌ మాత్రం ఆ సినిమాకీ, ఈ సినిమాకీ పోలిక ఉండదనీ, ఈ సినిమా స్టోరీ పూర్తి విభిన్నంగా ఉంటుందనీ అంటోంది. అయితే ఎన్టీఆర్‌ ఒకవేళ ఈ సినిమాలో డాన్సర్‌గా నటిస్తే ఆయన డ్రీమ్‌ ప్రాజెక్టు నెరవేరినట్లే అనుకోవాలి. ఎందుకంటేె ఎన్టీఆర్‌కి పూర్తి స్థాయి క్లాసికల్‌ డాన్సర్‌గా నటించాలనే కోరిక. ఆయన చాలా సార్లు తన మనసులోని కోరికని బయట పెట్టారు. ఆ కోరిక ఈ సినిమాతో నెరవేరేనా? లేక ఇదేం కాదా? ఏది ఏమైనా ఈ నెల 20న ఎన్టీఆర్‌ పుట్టినరోజు సందర్భంగా ఈ సినిమాల ఫస్ట్‌లుక్‌ని విడుదల చేయనున్నారట. ఆ లుక్‌ ఎన్టీఆర్‌ ఈ సినిమాలో మూడు గెటప్స్‌లో కనిపించేది. ఆ మూడు గెటప్స్‌ ఏంటనేది తెలియజెప్పే విధంగా ఉండబోతోందని విశ్వసనీయ వర్గాల సమాచారమ్‌. ఒకవేళ అదే జరిగితే ఎన్టీఆర్‌ ఫ్యాన్స్‌కి అంతకన్నా కావాల్సిందేముంది. బాబీ దర్శకత్వంలో తెరకెక్కుతోన్న ఈ సినిమాకి కళ్యాణ్‌ రామ్‌ నిర్మాతగా వ్యవహరిస్తున్నారు. నివేదా థామస్‌, రాశీఖన్నా హీరోయిన్లుగా నటిస్తున్నారు.