రాఘ‌వేంద్ర‌రావు - చిరంజీవి - వీళ్ల‌ది సూప‌ర్ హిట్ కాంబినేష‌న్‌. ఒక‌టా రెండా? ఎన్నో అద్భుత‌మైన మాస్‌సినిమాలు వీళ్ల కాంబినేష‌న్లో వ‌చ్చాయి. అయితే.. చిరు వారసుడు రామ్ చ‌ర‌ణ్ తో మాత్రం రాఘ‌వేంద్ర‌రావు సినిమా చేయ‌లేదు. అయితే త్వ‌ర‌లోనే ఈ కాంబో సెట్ అవ్వ‌బోతోంద‌ని టాలీవుడ్ టాక్‌. వెట‌ర‌న్ ద‌ర్శ‌కుడితో చెర్రీ ఓ సినిమా చేయ‌నున్నాడ‌ని, అందుకు స‌న్నాహాలు జ‌రుగుతున్నాయ‌ని తెలుస్తోంది.

చిరు - రాఘ‌వేంద్ర‌రావు కాంబోలో వ‌చ్చిన `జ‌గ‌దేక వీరుడు - అతిలోక సుంద‌రి` సినిమా అంద‌రికీ గుర్తుండే ఉంటుంది. దీనికి.. సీక్వెల్ చేయాల‌ని ఎప్ప‌టి నుంచో అనుకుంటున్నారు. ఆ సీక్వెల్ బాధ్య‌త మ‌ళ్లీ రాఘ‌వేంద్రుడిపైనే ప‌డింద‌ని టాక్‌. జ‌గ‌దేక‌వీరుడు సీక్వెల్ కి త‌గిన క‌థ రాఘ‌వేంద్ర‌రావు సిద్ధం చేశార్ట‌. దానికి చిరు కూడా ప‌చ్చ‌జెండా ఊపార‌ని స‌మాచారం. అన్నీ కుదిరితే.. 2022లో ఈ సినిమా మొద‌ల‌వ్వొచ్చు.