'జై లవ్‌ కుశ' అనే టైటిల్‌తో తెరకెక్కుతోంది ఎన్టీఆర్‌ తాజా చిత్రం. ఈ సినిమాలో ఎన్టీఆర్‌ త్రిపాత్రాభినయం చేస్తున్నాడన్న సంగతి తెలిసిందే. అందుకే ఎన్టీఆర్‌తో ముగ్గురు భామలు జత కట్టనున్నారు. వారిలో రాశి ఖన్నా పేరు ఇప్పటికే ఫైనల్‌ అయ్యింది. నివేదా థామస్‌ నటిస్తుందనే టాక్‌ వినవస్తోంది. అయితే లేటెస్ట్‌ రిపోర్ట్స్‌ ప్రకారం ఈ సినిమాలో హీరోయిన్లుగా కాజల్‌ అగర్వాల్‌, తమన్నాల పేర్లు పరిశీలిస్తున్నారట. తమన్నా గతంలో ఎన్టీయార్‌తో 'ఊసరవెల్లి' సినిమాలో నటించింది. కాజల్‌ అయితే, ఎన్టీయార్‌తో 'బృందావనం', 'టెంపర్‌' తదితర సినిమాల్లో నటించింది. ఈ హీరోయిన్లతో నటించిన ఎన్టీఆర్‌ సినిమాలన్నీ బిగ్గెస్ట్‌ హిట్స్‌ అయ్యాయి. అంతే కాదు భారీ బడ్జెట్‌ చిత్రంగా తెరకెక్కుతోంది ఈ చిత్రం. వరుసగా బ్లాక్‌ బస్టర్‌ హిట్స్‌ తర్వాత రాబోతున్న ఎన్టీఆర్‌ చిత్రమిది. సో ఈ చిత్రంపై భారీగా అంచనాలున్న నేపథ్యంలో ఈ సినిమాలో నటించే హీరోయిన్ల విషయంలో చాలా జాగ్రత్తలు తీసుకుంటున్నారు. ఆల్రెడీ ఈ ఇద్దరి బ్యూటీస్‌తోనూ ఎన్టీయార్‌ కెమిస్ట్రీ ఇప్పటికే నిరూపితమయ్యింది. దాన్ని దృష్టిలో పెట్టుకునే నిర్మాత కళ్యాణ్‌రామ్‌ ఈ ఇద్దరికీ ఛాన్స్‌ ఇచ్చాడని సమాచారమ్‌. బాబీ డైరెక్షన్‌లో రూపొందనున్న సినిమా ఈ మధ్యనే లాంఛనంగా ప్రారంభం కాగా, 15వ తేదీ నుంచి షూటింగ్‌కి వెళ్ళనుంది.