కాజ‌ల్ సంప్ర‌దాయ‌మైన క‌థానాయిక. బోల్డ్ స‌న్నివేశాల్లో న‌టించ‌డానికి అస్స‌లు ఒప్పుకోదు. కాజ‌ల్ లిప్పులాకులు చేసిందంటే అది ఆశ్చ‌ర్య‌మే. సూర్య‌తో క‌లిసి న‌టించిన `బ్ర‌ద‌ర్స్‌` కోసం సూర్య‌కు లిప్పులాక్ ఇచ్చేసింది కాజ‌ల్. ఆ స‌న్నివేశం చూసి అంతా ఆశ్చ‌ర్య‌పోయారు. కాజ‌ల్ ఏంటి? అంత బోల్డ్ గా న‌టించింది? ఇలాంటి స‌న్నివేశాల్లో న‌టించ‌డానికి ఎలా ఒప్పుకుంది? అని ఆశ్చ‌ర్య‌పోయారు. నిజానికి సూర్య కూడా ఇలాంటి స‌న్నివేశాల్లో న‌టించ‌డానికి పెద్ద‌గా ఇష్ట‌ప‌డ‌డు. అలాంటిది ఈ లిప్ లాక్ ఎలా వచ్చిందా? అనుకున్నారు.
అయితే ఈ ముద్దు వెనుక సీక్రెట్ చెప్పేసింది కాజ‌ల్. అది నిజం ముద్దు కాద‌ట. గ్రాఫిక్స్‌తో జిమ్మిక్ చేసిన ముద్ద‌ట. ఈ స‌న్నివేశంలో న‌టించ‌డానికి సూర్య ఇబ్బంది ప‌డుతుంటే.. ద‌ర్శ‌కుడు ఆనంద్ ఓ ట్రిక్ ప్లే చేశార్ట. కాజ‌ల్ స్థానంలో ఓ బ్లూమేట్ బొమ్మ‌ని ఉంచి దానికి ముద్దు పెట్టించార్ట. కాజ‌ల్ కూడా అలానే బ్లూమేట్ బొమ్మ‌కే ముద్దించ‌ద‌ట. అది తెర‌పై చూస్తుంటే నిజం ముద్దులానే అనిపించేంత స‌హ‌జంగా వ‌చ్చింద‌ట.
ఇందుకు సంబంధించిన వీడియో ఒక‌టి.. యూ ట్యూబ్ లోనూ ఉంది. దాంతో... కాజ‌ల్ చెప్పింద‌తా నిజ‌మే అనిపిస్తోంది. ముద్దు సీన్లు చూసి, తెగ ఎంజాయ్ చేసేవాళ్లంతా.. దాని వెనుక కెమెరా ట్రిక్కులు, గ్రాఫిక్స్ జిమ్మిక్కులు ఉన్నాయ‌న్న సంగ‌తి గుర్తు చేసుకుంటే మంచిది.
