దశాబ్ధ కాలానికి పైగా తెలుగు ప్రేక్షకలను తన అందంతో అలరిస్తోన్న అందాల భామ కాజల్‌ అగర్వాల్‌కి ఇంకా క్రేజ్‌ తగ్గడం లేదు. వయసు పెరుగుతున్న కొద్దీ అందం మరింత పెరిగిపోతూ, చందమామకు వయసు తగ్గుతూ వస్తుందనిపిస్తోంది. ఎప్పుడో 'లక్ష్మీకళ్యాణం' సినిమాతో తెలుగు తెరకు పరిచయమైంది. సీనియర్‌ హీరోలతో నటించిన ఈ ముద్దుగుమ్మ.. ఇప్పుడు యంగ్‌ హీరోలతో ట్రెండీ హీరోయిన్‌ అయిపోయింది.
తాజాగా యంగ్‌ హీరో బెల్లంకొండ శ్రీనివాస్‌ సరసన నటిస్తోంది. ఇంట్రెస్టింగ్‌ ఎలిమెంట్‌ ఏంటంటే, ఇప్పటిదాకా యంగ్‌ హీరో బెల్లంకొండ శ్రీనివాస్‌ చేసిన సినిమాల్లో చాలావరకు తనకంటే ఎక్కువ వయసున్న హీరోయిన్లతో చేసినవే. కాజల్‌ అందం రోజురోజుకీ పెరిగిపోతోంది కాబట్టే, యంగ్‌ హీరోల పక్కన ఇంకా యంగ్‌గా కన్పిస్తోంది. 30 ప్లస్‌లోనూ కాజల్‌ అందం చెక్కు చెదరలేదంతే. యంగ్‌ హీరోస్‌ అస్సలు ఆలోచించకుండా కాజల్‌తో ఆన్‌ స్క్రీన్‌ రొమాన్స్‌కి రెడీ అయిపోతున్నారందుకే.
బెల్లంకొండతో పాటు, మరో ఇద్దరు యంగ్‌ హీరోల సినిమాలకు కాజల్‌ సైన్‌ చేసిందట. ప్రస్తుతం బెల్లంకొండ శ్రీనివాస్‌ ఇటీవల విడుదలైన 'సాక్ష్యం' సినిమా సక్సెస్‌ని ఎంజాయ్‌ చేస్తున్నాడు. మరోవైపు చందమామ కాజల్‌ అగర్వాల్‌ తమిళంలో క్వీన్‌ రీమేక్‌ 'పారిస్‌ పారిస్‌' చిత్రంతో బిజీగా గడుపుతోంది. ఈ సినిమాలో కూడా కాజల్‌ చాలా చాలా అందంగా కనిపిస్తోంది. ఈ సినిమా కోసం తన అందమైన ఫిజిక్‌ని మరింత అందంగా మలచుకుంది మన చందమా.
త్వరలోనే ఈ సినిమా ప్రేక్షకుల ముందుకు రానుంది. ఆ తర్వాత బెల్లంకొండ సినిమా షూటింగ్‌లో పాల్గొననుంది కాజల్‌ అగర్వాల్‌.
