కిర్రాకు పోజులో కనిపిస్తున్న ఈ స్టిల్‌ 'రణరంగం' సినిమాలోనిది. కాజల్‌ పుట్టినరోజు సందర్భంగా చిత్ర యూనిట్‌ ఈ స్టిల్‌ని రిలీజ్‌ చేసి, కాజల్‌కి బర్త్‌డే విషెస్‌ తెలిపారు. బీచ్‌ పక్కన కిర్రాకు పోజులో ఉన్న చందమామ ఈ స్టిల్‌కి సోషల్‌ మీడియాలో హ్యూజ్‌ రెస్పాన్స్‌ వస్తోంది. గాల్లో తేలినట్టుందే, గుండె జారినట్టుందే.. అంటూ జోష్‌గా కనిపిస్తున్న ఈ లుక్‌లో కాజల్‌ వయసు మరీ టీనేజ్‌కి వెళ్లిపోయినట్లు కనిపిస్తోంది. గాల్లో విహరిస్తూ నింగిని ముద్దాడిన ఆనందం ఆమె ముఖంలో కనిపిస్తోంది. సుధీర్‌ వర్మ దర్శకత్వంలో తెరకెక్కుతోన్న ఈ సినిమాలో కాజల్‌తో పాటు, కళ్యాణీ ప్రియదర్శిన్‌ మరో హీరోయిన్‌గా నటిస్తోన్న సంగతి తెలిసిందే.
శర్వానంద్‌ హీరోగా నటిస్తున్నాడు. మరోవైపు కాజల్‌ అగర్వాల్‌ తమిళంలో రెండు సినిమాలతో బిజీగా ఉంది. 'ప్యారిస్‌ ప్యారిస్‌' ఎప్పుడో నిర్మాణం పూర్తి చేసుకుని విడుదలకు సిద్ధమైంది. తాజాగా 'కోమాలి' చిత్రంలో నటిస్తోంది. జయం రవి ఈ సినిమాలో హీరోగా నటిస్తున్నాడు. ఇదిలా ఉంటే, కాజల్‌కి సోషల్‌ మీడియాలో విపరీతమైన ఫాలోయింగ్‌ ఉన్న సంగతి తెలిసిందే. ఆమె బర్త్‌డే కారణంగా సోషల్‌ మీడియాలో విషెస్‌ పోటెత్తుతున్నాయి.
