టాలీవుడ్ లో మోస్ట్ అవైటెడ్ మూవీస్ 2024 లో విడుదల కానున్నాయి. అందులో ప్రభాస్ కల్కి 2898 AD మూవీ ఒకటి. మహానటి ఫేమ్ నాగ్ అశ్విన్‌ తెరకెక్కిస్తున్న ఈ సినిమా పై భారీ అంచనాలే ఉన్నాయి. ఈ చిత్రం షూటింగ్ తుది దశకు చేరుకుంది. మే 9, న వరల్డ్ వైడ్ గా థియేటర్ల లో విడుదల కానుంది. ఈ క్రమంలోనే ప్రీ రిలీజ్ బిజినెస్ కూడా జరుగుతోంది. ఈ సినిమా నైజాం ఏరియా రైట్స్ 75 కోట్లకు కోట్ అయ్యాయన్న విషయం బయటికి వచ్చింది.
ఒక్క నైజాం లోనే 75 కోట్లు అంటే, ఆంధ్రా, సీడెడ్, ఓవర్సీస్, శాటిలైట్ అంటూ ఇంకెంత బిజినెస్ జరుగుతుందో. ఇప్పటివరకు నైజాంలో ఇదే హయ్యెస్ట్ బిజినెస్. తెలుగు రాష్ట్రాల నుంచే ఈ సినిమా 200 కోట్లకి పైగా వసూళ్లు రాబడుతుందని మేకర్స్ చాలా ధీమాగా ఉన్నారట. ప్రభాస్ కెరీర్‌లోనే ఇది హయ్యెస్ట్ గ్రాస్ కలక్షన్ అవుతుందని టాక్. సలార్ సినిమా బ్లాక్ బస్టర్ తో ప్రభాస్ మార్కెట్ ఇంకా పెరిగింది. సలార్ మూవీ 700 కోట్లు గ్రాస్ కలక్షన్స్ సాధించింది. ఆ క్రేజ్ తో కల్కి ఓపెనింగ్స్‌ పై నమ్మకంగా ఉన్నారు మేకర్స్.
టైం ట్రావెల్ కి సంబంధించిన ఈ మూవీలో దీపికా పదుకునే, కమల్ హాసన్, అమితాబ్ బచ్చన్, దిశాపటాని లాంటి స్టార్స్ ఉన్నారు. మలయాళీ హీరోయిన్ అన్నా బెన్ కూడా ఈ సినిమాలో నటిస్తున్నారు. వైజయంతీ మూవీస్ ఈ చిత్రాన్ని నిర్మిస్తోంది. సంతోష్ నారాయణ్ సంగీతం అందిస్తున్నారు.
