'విజేత' సినిమాతో హీరోగా తనదైన సత్తా చాటాడు మెగా అల్లుడు కళ్యాణ్‌ దేవ్‌. తొలి సినిమాకే హీరోగా ఫర్వాలేదనిపించాడు. రెండో సినిమా కోసం చాలా గ్యాప్‌ తీసుకున్నాడు. పులివాసు దర్శకత్వంలో కళ్యాణ్‌ దేవ్‌ రెండో సినిమా ఎప్పుడో అనౌన్స్‌ చేశారు. కానీ, ఇంతవరకూ ఎలాంటి అప్‌డేట్‌ రాలేదు. తాజాగా దీపావళి సందర్భంగా ఈ సినిమా టైటిల్‌తో పాటు, ఫస్ట్‌లుక్‌ కూడా రిలీజ్‌ చేశారు. 'సూపర్‌ మచ్చి' అనే టైటిల్‌ని ఈ సినిమాకి ఫిక్స్‌ చేశారు. 'సూపర్‌ మచ్చి' అనేది అల్లు అర్జున్‌ నటించిన 'సన్నాఫ్‌ సత్యమూర్తి'లో సూపర్‌ హిట్‌ సాంగ్‌లోని పదం.
ఈ పదానికి పిచ్చ పాపులారిటీ ఉంది. జనాల నోళ్లలో బాగా నలిగిపోయిన ఈ పదాన్ని తన సినిమాకి టైటిల్‌గా పెట్టుకున్నాడు ఈ మెగా హీరో. టైటిల్‌కి మంచి రెస్పాన్స్‌ వస్తోంది. అయితే, సినిమా కథా, కమామిషు ఏంటనేది ఇంకా తెలియాల్సి ఉంది. 'సన్నాఫ్‌ సత్యమూర్తి'లో 'మచ్చి' అంటే 'మామ్మ' అంటే ముసలమ్మ అని మీనింగ్‌.. మరి ఈ సినిమాకి సంబంధించి టైటిల్‌ మీనింగ్‌ ఎలా జస్టిఫై చేస్తారో చూడాలిక. 'తూనీగా తూనీగా..' సినిమాతో తెరంగేట్రం చేసిన రియా చక్రవర్తి ఈ సినిమాలో హీరోయిన్‌గా నటిస్తోంది. తమన్‌ స్వరాలు అందిస్తున్నారు.
