జేమ్స్ బాండ్ క‌థ‌ల‌కు ప్ర‌త్యేక‌మైన అభిమానులున్నారు. గూఢ‌చారి నేప‌థ్యంలో వ‌చ్చిన సినిమాలు దాదాపు హిట్టే. ఇటీవ‌ల ఏజెంట్ సాయి శ్రీ‌నివాస ఆత్రేయ సూప‌ర్ హిట్ అయ్యింది. సునీల్ హీరోగా వ‌స్తున్న `క‌న‌బ‌డుట‌లేదు` కూడా గూఢ‌చారి క‌థే. ఇప్పుడు క‌ల్యాణ్ రామ్ కూడా అదే గెట‌ప్ వేయ‌బోతున్నాడు. క‌ల్యాణ్ రామ్ హీరోగా, న‌వీన్ అనే నూత‌న దర్శ‌కుడు ఓ సినిమా చేయ‌బోతున్నాడు. అభిషేక్ నామా నిర్మాత‌.

ఈ సినిమా గూఢ‌చారి నేప‌థ్యంలో సాగుతుంద‌ట‌. క‌ల్యాణ్ రామ్ ఓ ప్రైవేటు డిటెక్టీవ్ గా క‌నిపిస్తాడ‌ని స‌మాచారం అందుతోంది. ప్రస్తుతం బింబిసార లో న‌టిస్తున్నాడు క‌ల్యాణ్ రామ్. ఆ సినిమా చిత్రీక‌ర‌ణ దాదాపుగా పూర్త‌య్యింది. బింబిసార త‌ర‌వాత‌.. ఈ సినిమానే మొద‌లెడ‌తారు. 1960 నేప‌థ్యంలో సాగే క‌థ ఇద‌ని, క‌ల్యాణ్ రామ్ గెట‌ప్‌, సెట‌ప్ అన్నీ వేరే లెవ‌ల్ లో ఉంటాయ‌ని స‌మాచారం అందుతోంది. ఈ చిత్రానికి సంబంధించిన పూర్తి వివ‌రాలు త్వ‌ర‌లోనే వెల్ల‌డవుతాయి.