ఈ శుక్రవారం రెండు సినిమాలు బాక్సాఫీస్‌ వద్ద బరిలో దిగిన సంగతి తెలిసిందే. అందులో ఒకటి నేచురల్‌ స్టార్‌ నాని నటించిన 'జెర్సీ' కాగా, ఇంకోటి లారెన్స్‌ హారర్‌ మూవీ 'కాంచన 3'. డిఫరెంట్‌ జోనర్‌ మూవీస్‌ ఈ రెండూ. అయితే టాలీవుడ్‌ అంతా 'జెర్సీ' మేనియాలో మునిగిపోయింది.
క్రికెట్‌ నేపథ్యంలో వచ్చిన ఈ సినిమాకి మంచి టాక్‌ వచ్చింది. దాంతో ఈ సినిమాకి ఓపెనింగ్స్‌ అదిరిపోయాయి. ఎమోషనల్‌ టచ్‌తో నాని 'జెర్సీ'తో మంచి హిట్‌ కొట్టేశాడు. ఇక రెండో సినిమా 'కాంచన 3' విషయానికి వస్తే, లారెన్స్‌ సినిమాలకు బీసీ సెంటర్స్‌లో మాంచి క్రేజ్‌ ఉంది. దాంతో కాంచన కూడా ఫర్వాలేదనిపించింది. ఓపెనింగ్స్‌ బాగా వచ్చాయట. అయితే సినిమాకి ఏమంత పోటిజివ్‌ టాక్‌ అయితే రాలేదు. కానీ బీసీ సెంటర్స్‌లో ఎప్పటిలాగే 'కాంచన 3'కి ఆదరణ దక్కింది. హారర్‌ కామెడీ కాబట్టి, టాక్‌తో సంబంధం లేకుండా, మాస్‌ ఆడియన్స్‌ ఈ సినిమాకి ఎట్రక్ట్‌ అయ్యారు. కంటెన్ట్‌ ఉన్న మూవీస్‌ లిస్టులో 'జెర్సీ' విజయం సాధించింది. ఓవర్సీస్‌లోనూ 'జెర్సీ'కి పోజిటివ్‌ టాక్‌ దక్కింది. సో 'జెర్సీ'తో నాని వీర కుమ్ముడు కుమ్మేయడం ఖాయమనిపిస్తోంది.
సమ్మర్‌ సీజన్‌లో యాప్ట్‌ మూవీగా 'జెర్సీ' ప్రశంసలు దక్కించుకుంటోంది. గౌతమ్‌ తిన్ననూరి దర్శకత్వంలో తెరకెక్కిన ఈ సినిమాలో శ్రద్ధా శ్రీనాధ్‌ హీరోయిన్‌గా నటించింది. ఇక లారెన్స్‌ స్వీయ దర్శకత్వంలో రూపొందిన 'కాంచన 3' లో వేదిక, ఓవియా, నిక్కీ గల్రాని హీరోయిన్లుగా నటించారు.
