పైన ఫోటో చూస్తే ఏమనిపిస్తోంది. ఆ మార్క్‌ క్రైమ్‌ సీన్స్‌లో కదా వేస్తారు. అదేంటి ఆ మార్క్‌లో హాయిగా బికినీతో పడుకుని నవ్వులు చిందిస్తోందీ ముద్దుగుమ్మ అనిపిస్తోంది కదా! అవును అక్షరాలా..అది క్రైమ్‌ స్పాటే.. అందుకే ఈ పోస్టర్‌ చూస్తుంటే, అంత ఆశక్తి కలుగుతోంది.
ప్రముఖ దర్శకుడు రాఘవేంద్రరావు తనయుడు ప్రకాష్‌ కోవెలమూడి దర్శకత్వంలో బాలీవుడ్‌లో తెరకెక్కుతోన్న సినిమాలోనిదీ పోస్టర్‌. 'మర్డర్‌ హై క్యా?' అనేది ఈ సినిమా టైటిల్‌. టైటిలే ఇంత ఆశక్తికరంగా ఉంటే, మరి పోస్టర్‌ ఇంకెంత ఆశక్తికరంగా ఉండాలి అందుకే ఇలా అన్నమాట. ఇంతకీ ఆ పోస్టర్‌పై ఎర్రటి బ్లడ్‌లో డెడ్‌ బాడీకి వేసే మార్క్‌లో వైట్‌ బికినీలో కనిపిస్తున్న ఆ సుందరాంగిని గుర్తు పట్టారా? గుర్తు పట్టే ఉంటారులే. అవును మన బాలీవుడ్‌ క్వీన్‌ కంగనానే.
కంగనా రనౌత్‌ హీరోయిన్‌గా, విలక్షణ నటుడు రాజ్‌కుమార్‌ రావ్‌ హీరోగా ఈ సినిమా తెరకెక్కుతోంది. తెలుగులో 'సైజ్‌జీరో', 'అనగనగా ఒక ధీరుడు' వంటి విభిన్న కథా చిత్రాలను తెరకెక్కించిన డైరెక్టర్‌ మన ప్రకాష్‌ కోవెలమూడి. తండ్రి రాఘవేంద్రరావు కమర్షియల్‌ సినిమాలకు కేరాఫ్‌ అడ్రస్‌ అయితే, కొడుకు ప్రకాష్‌ మాత్రం విభిన్న కథలతో ప్రాచుర్యం పొందాడు. కమర్షియల్‌ హిట్స్‌తో పని లేకుండా, సమ్‌థింగ్‌ డిఫరెంట్‌గా ఆలోచిస్తుంటాడు. అలా తెరకెక్కించబోతున్న చిత్రమే ఈ 'మర్డర్‌ హై క్యా?'.
తాజాగా విడుదలైన ఈ పోస్టర్‌ ఇప్పుడు బాలీవుడ్‌తో పాటు, టాలీవుడ్‌ దృష్టినీ ఆకర్షిస్తోంది. సైకలాజికల్‌ థ్రిల్లర్‌ కథాంశంతో తెరకెక్కుతోన్న ఈ సినిమాని బాలాజీ మోషన్‌ పిక్యర్స్‌, కర్మ మీడియా అండ్‌ ఎంటర్‌టైన్‌మెంట్‌ సంస్థలు సంయుక్తంగా నిర్మిస్తున్నాయి.
