మహేష్ హీరోగా తెరకెక్కుతోన్న 'స్పైడర్‌' టీజర్‌ సోషల్‌ మీడియాలో సందడి చేస్తోంది. అభిమానుల సుదీర్ఘ ఆశల తర్వాత విడుదలైన ఈ సినిమా టీజర్‌తో ఫ్యాన్స్‌ ఫుల్‌ ఖుషీ అవుతున్నారు. సోషల్‌ మీడియాలో ఈ టీజర్‌ రికార్డుల దిశగా రన్‌ చేస్తోంది. ఇది బైలింగ్వల్‌ మూవీ. తమిళ, తెలుగు భాషల్లో విడుదలవుతోంది. మురుగదాస్‌ ఈ సినిమాని తెరకెక్కిస్తున్నారు. కాగా ఈ సినిమాకు బాలీవుడ్‌ ఎంట్రీ కూడా దక్కబోతోంది. బాలీవుడ్‌ ప్రముఖ ప్రొడ్యూసర్‌ కరణ్‌ జోహార్‌కు ఈ సినిమా టీజర్‌ బాగా నచ్చేసిందట. సోషల్‌మీడియాలో అదే సంగతి పోస్ట్‌ చేశాడు కరణ్‌ జోహార్‌. అంటే కరణ్‌కి ఈ సినిమాను హిందీలో రిలీజ్‌ చేసే ఆలోచనలు ఉన్నట్లు తెలియవస్తోంది. 'బాహుబలి ది కన్‌క్లూజన్‌' హిందీ వెర్షన్‌ని కరణ్‌ జోహారే రిలీజ్‌ చేశాడు. ఈ సినిమాతో భారీ లాభాలు ఆర్జించాడు కరణ్‌ జోహార్‌. అదే తీరుగా ఇప్పుడు కరణ్‌ దృష్టి మహేష్ 'స్పైడర్‌'పై పడినట్లు తెలుస్తోంది. ప్రబాస్‌ 'బాహుబలి'తో బాలీవుడ్‌ ఎంట్రీ ఇస్తే, మహేష్ 'స్పైడర్‌'తో ఇవ్వబోతున్నాడన్న మాట. ఈ సినిమా హిందీ వెర్షన్‌ కోసం ఆల్రెడీ చిత్ర యూనిట్‌తో కరణ్‌ సంప్రదింపులు జరుపుతున్నట్లు సమాచారమ్‌. సెప్టెంబరులో ఈ సినిమా ప్రేక్షకుల ముందుకు రానుంది. రకుల్‌ ప్రీత్‌ సింగ్‌ హీరోయిన్‌గా నటిస్తోన్న ఈ సినిమాపై భారీగా అంచనాలున్నాయి. స్పై కాప్‌గా మహేప్‌ ఈ సినిమాలో నటిస్తున్నాడు.
