కార్తీ హీరోగా ఇటీవలే 'కాష్మోరా' చిత్రం విడుదలైంది. విజువల్‌ వండర్‌గానే ఆ సినిమా కూడా మంచి పేరు తెచ్చుకుంది. ఎప్పటిలానే కార్తి ఈ సినిమాలో కూడా తన యాక్టింగ్‌ టాలెంట్‌తో ఆకట్టుకున్నాడు. రెండు డిఫరెంట్‌ షేడ్స్‌ ఉన్న పాత్రలని పోషించాడు కార్తీ ఈ సినిమాలో. అయితే తాజాగా కార్తీ ది గ్రేట్‌ మణిరత్నం సినిమాలో హీరోగా నటిస్తున్నాడు. ఈ సినిమా కూడా విజువల్‌గా చాలా అద్బుతంగా ఉండబోతోంది. మణిరత్నం సినిమాల్లో 'రోజా' ఓ సంచలనం. ఆ సినిమా తరహాలోనే కార్తీ తాజా మూవీ ఉంటుందట. మణిరత్నం కెరీర్‌లోనే ది బెస్ట్‌ అనదగ్గ చిత్రాల్లో 'రోజా' అతి ముఖ్యమైనది. అరవింద్‌ స్వామికి, మధుబాలకి మంచి బ్రేక్‌ ఇచ్చిన సినిమా అది. అలాగే ఇప్పుడు కార్తీ కెరీర్‌లో కూడా ఈ సినిమా బెస్ట్‌ మూవీ అవుతుందంటున్నారు అంతా. ఈ సినిమాలో కార్తీ, బాలీవుడ్‌ భామ అదితిరావు హైదరితో జత కడుతున్నాడు. తమిళ, తెలుగు భాషల్లో విడుదల కానుంది ఈ సినిమా. మరో సినిమాలో కార్తీ, టాలీవుడ్‌ భామ రకుల్‌ ప్రీత్‌ సింగ్‌తో జత కడుతున్నాడు. అంటే ఈ ఏడాది కార్తీ నుండి రెండు సినిమాలు రానున్నాయన్న మాట. గతేడాది 'కాష్మోరా' సినిమాతోనే తెలుగులో తన మార్కెట్‌ని పెంచుకున్నాడు కార్తీ. ఈ ఏడాది ఈ రెండు సినిమాలతో దాన్ని ఎలా నిలబెట్టుకుంటాడో ఈ రొమాంటిక్‌ బుల్లోడు చూడాలి మరి.