తమిళ హీరో కార్తీ ఇటీవల 'చెలియా' సినిమాతో ప్రేక్షకులను పలకరించాడు. రొమాంటిక్‌ లవ్‌ స్టోరీ అయినా కానీ ఆ సినిమాతో అంతగా ఆకట్టుకోలేకపోయాడు కార్తీ. తాజాగా 'ఖాకీ' అనే సినిమాలో నటిస్తున్నాడు నేచురల్‌ స్టార్‌ కార్తీ. తమిళ, తెలుగు భాషల్లో ఈ సినిమా విడుదల కానుంది. తమిళ హీరో అయినప్పటికీ కార్తీకి తెలుగులోనూ మంచి మార్కెట్‌ ఉంది. డైరెక్ట్‌గా తెలుగులో సినిమా చేసి మెప్పించాడు కూడా కార్తీ. 'ఊపిరి' సినిమాలో కార్తీ, నాగార్జునకి ధీటుగా నటించి మెప్పించాడు. ఇంతవరకూ ఏ తమిళ హీరో చేయని విధంగా హీరో అయిన కొత్తలోనే డైరెక్ట్‌ తెలుగు సినిమా చేసిన హీరోగా కార్తీ తెలుగు ప్రేక్షకుల ప్రశంసలు దక్కించుకున్నాడు మనోడు. తాజా సినిమాలో కార్తీ పోలీస్‌ గెటప్‌లో దర్శనమివ్వనున్నాడు. వాస్తవ సంఘటనల నేపథ్యంలో ఈ సినిమా తెరకెక్కిస్తున్నారట. హెచ్‌.వినోద్‌ దర్శకత్వంలో ఈ సినిమా రూపొందుతోంది. పవర్‌ఫుల్‌ పోలీస్‌ గెటప్‌లో కార్తీ అదరగొట్టేస్తున్నాడు. ఫైట్లు, డాన్సులు ఇరగదీసేస్తున్నాడట. అలాగే తన స్టైల్‌లో వినోదం పండించనున్నాడట కూడా. తాజాగా విడుదలైన సినిమా ఫస్ట్‌ లుక్‌కి మంచి రెస్పాన్స్‌ వస్తోంది. ఈ సినిమా కార్తీకి హిట్‌ తెచ్చి పెట్టేలానే ఉందంటున్నాయి కోలీవుడ్‌ వర్గాలు. సినిమా స్టోరీ అలాంటిదట. స్టోరీపై నమ్మకంతోనే కార్తీ ఈ సినిమాకి సైన్‌ చేశాడు. కోలీవుడ్‌, టాలీవుడ్‌ ప్రేక్షకుల్ని ఖచ్చితంగా ఈ సినిమాతో సేటిస్‌ఫై చేస్తానుంటున్నాడు కార్తీ.