క‌త్తి మహేష్.. ఈ పేరుని ప‌వ‌న్ క‌ల్యాణ్ అభిమానులు ఎప్ప‌టికీ మ‌ర్చిపోలేరు. క‌త్తి మహేష్ ట్వీట్లు, కౌంట‌ర్లు.. ప‌వ‌న్‌ని బాధిస్తూనే ఉంటాయి. ప‌వ‌న్ ఫ్యాన్స్ కూడా క‌త్తి మ‌హేష్‌ని బాగా ఆడుకున్నారు. అయితే.. ఇప్పుడు క‌త్తి మహేష్ ప‌వ‌న్ క‌ల్యాణ్ ఫ్యాన్ గా మారిపోయాడు.
అవును.. ఇప్పుడు మహేష్ క‌త్తి.. ప‌వ‌న్ అభిమాని. నిజంగా కాదు. సినిమాలో. నూత‌న్‌నాయుడు ద‌ర్శ‌కత్వంలో `ప‌రాన్న జీవి` అనే సినిమా తెర‌కెక్కుతోంది. ఆర్జీవిపై విసురుతున్న వ్యంగ్యాస్త్రం ఇది. ఈ సినిమాలో క‌త్తి మహేష్ ప‌వ‌న్ ఫ్యాన్ గా క‌నిపించ‌బోతున్నాడు. ప‌వ‌న్ పై పీక‌ల్లోతు కోపం, క‌సి ఉన్న క‌త్తి మహేష్ - ప‌వ‌న్ వీరాభిమానిగా న‌టించ‌డం ఆశ్చర్యమే. అంతే కాదు.. క‌త్తి మహేష్ వ‌ర్మ కాంపౌండ్ లో వ్య‌క్తే. వ‌ర్మ తీసిన `ప‌వ‌ర్ స్టార్‌`లోనూ న‌టించాడు. ఒకేసారి.. ఒక‌రిపై ఒక‌రు తీసుకుంటున్న సినిమాల్లో ఒకే న‌టుడు రెండు సినిమాల్లో న‌టించ‌డం నిజంగా విడ్డూరంగానే ఉంది. మ‌రి ఈ విష‌యాన్ని ప‌వ‌న్ ఫ్యాన్స్ ఎలా రిసీవ్ చేసుకుంటారో?
